Пра гэта заявілі 24 сакавіка беларускія праваабарончыя арганізацыі. У краіне на дадзены момант 299 палітвязняў.
Дзяніса затрымалі ўвечары 12 сакавіка. Ператрус у яго кватэры ішоў больш за тры гадзіны, яго ладзілі пяцёра супрацоўнікаў КДБ. Пасля гэтага прайшоў ператрус у бацькоў, у бабулі.
Сілавікі забралі ўсе носьбіты інфармацыі (тэлефоны, ноўтбукі, камп'ютары), сім-карты, банкаўскія карткі, кнігі, нататнікі ды інш.
Справа ў тым, што Івашын знайшоў у адкрытым доступе спіс амапаўцаў, якія стаяць у чарзе на льготныя кватэры. Журналіст праверыў іх прозвішчы праз пошукавікі і высветліў, што некаторыя з іх раней служылі ва ўкраінскім «Беркуце» і разганялі Майдан. На падставе гэтага Івашын напісаў публікацыю на сайце «Новага часу», у выніку — крымінальная справа і пагроза трох гадоў зняволення.
Яму выстаўлена абвінавачанне па арт.365 Крымінальнага кодэкса (Умяшанне ў дзейнасць супрацоўніка ўнутраных спраў).
Чытайце таксама: Хто такі Дзяніс Івашын, якога арыштавалі за «ўмяшанне ў дзейнасць МУС»?
Цяпер чытаюць
Сілавікі выпадкова раскрылі, як менавіта правяраюць тых, каго падазраюць у «экстрэмізме». Спаліўся адзін з адказных за гэта4
Каментары