Аляксей Навальны знаходзіцца ў адзіночнай камеры сухотнай бальніцы ў калоніі № 3 ва Уладзімірскай вобласці. Аб гэтым паведаміў адвакат палітыка Вадзім Кобзеў, піша meduza.io
Кобзеў распавёў, што ўвечары 18 красавіка, у дзень шпіталізацыі, Навальнаму «з чацвёртага разу зрабілі кропельніцу з глюкозай».
Па словах Кобзева, увечары 19 красавіка «тры медсястры распачалі шэсць спробаў зрабіць яшчэ адну кропельніцу, але так і не змаглі трапіць у вену». Цяпер, заявіў адвакат, у Навальнага «ўсе рукі сколаты і ў сіняках».
Іншага лячэння, як распавёў Кобзеў, Навальнаму не прызначылі.
Аляксей Навальны некалькі тыдняў скардзіцца на болі ў спіне і нагах. З 31 сакавіка ён трымае галадоўку, патрабуючы дапусціць да яго незалежных дактароў. Дактары 15 красавіка паведамілі пра «рэзка адмоўную» дынаміку аналізаў палітыка, якая, на іх думку, можа прывесці да нырачнай недастатковасці і цяжкіх паталогій сардэчна-сасудзістай сістэмы.
Навальны быў арыштаваны 17 студзеня, калі прыляцеў з Берліна ў Маскву. У Нямеччыне ён лячыўся пасля атручвання ядам класа «Навічок». Яму далі рэальны тэрмін замест умоўнага па справе «Іў Рашэ» 2013 года.
Цяпер чытаюць
«Вар’яцкая афёра». Лукашэнка пракаментаваў закрыццё літоўскай мяжы10
Каментары