Чорны пудзель выдаў махлярку, якая інсцэніравала ўласную смерць
На Маёрцы дзякуючы чорнаму пудзелю знайшлі махлярку з Германіі, якая лічылася памерлай.
47-гадовую жанчыну абвінавачвалі ў крадзяжы мільёна еўра ў нямецкай фірмы па вытворчасці сонечнай энергіі, дзе яна працавала. Аднак у сакавіку 2020 года бацькі жанчыны паведамілі, што іх дачка загінула ў аўтакатастрофе, піша BBC.
Тым не менш, фірма наняла прыватных дэтэктываў, якія праз сацыяльныя сеткі высветлілі, што ў абвінавачанай быў вялікі чорны пудзель.
Днямі дэтэктывы высачылі жанчыну на шыкоўнай віле на Маёрцы пасля таго, як на востраве заўважылі мужчыну з чорным пудзелем, якога вельмі рэдка можна сустрэць на востраве.
Высветлілася, што жанчына інсцэніравала ўласную смерць і ўвесь гэты час жыла на востраве з падробленымі дакументамі.
Жанчыну арыштавала іспанская паліцыя, але потым яе выпусцілі пад заклад.
Каментары