Жыхарку Калодзішчаў арыштавалі на 6 сутак за БЧБ-стужкі на дрэвах. У яе канфіскавалі кнігу Святланы Алексіевіч
Жыхарку Калодзішчаў арыштавалі на 6 сутак за БЧБ-стужкі на дрэвах. Падчас ператрусу ў яе канфіскавалі кнігу Святланы Алексіевіч, паведамляюць праваабаронцы.
Каля 16:30 4 чэрвеня 36-гадовая жыхарка Калодзішчаў Наталля Івяндзікава ехала на працу. Але па дарозе яе затрымалі супрацоўнікі міліцыі і разам з ёй паехалі дадому для правядзення ператрусу. Восем супрацоўнікаў праводзілі яго без панятых на працягу дзвюх з паловай гадзін. У Наталлі канфіскавалі ўсю тэхніку, у тым ліку і тэхніку мужа, на якой ён працуе. Акрамя тэхнікі ў жанчыны канфіскавалі кнігу Святланы Алексіевіч і БЧБ-стужкі. Адзін з супрацоўнікаў «бегаў па хаце і крычаў: «Дзе сцяг, дзе сцяг?» Але БЧБ-сцяг так і не знайшлі. У РАУСе на Наталлю склалі пратакол па арт. 24.23 КаАП за «несанкцыянаванае пікетаванне».
Падставай для затрымання і ператрусу сталі БЧБ-стужкі, якія, па словах міліцыянера «Неўскага», Наталля развешвала на дрэвы а 6-й раніцы 4 чэрвеня. Міліцыянер «Неўскі» асабіста з'явіўся 7 чэрвеня ў суд Мінскага раёна, каб сведчыць супраць жанчыны. Ён сцвярджаў, што «бачыў Івяндзікаву раніцай на месцы здзяйснення правапарушэння, але не фатаграфаваў яе дзеянні і правапарушэнне не спыняў». Якое адзенне было на жанчыне, сведка не памятае, але «лёгка яе апазнаў».
Наталля сваю віну не прызнала, бо а 6-й раніцы спала і нікуды не выходзіла з хаты. Гэтыя паказанні ў якасці сведкі пацвердзіў і яе муж. Але суддзя Вадзім Казей палічыў віну жанчыны цалкам даказанай і арыштаваў Наталлю на 6 сутак.
Цяпер чытаюць
На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня26
Каментары