Белтэлерадыёкампанію выключылі з Еўрапейскага вяшчальнага саюза. Гэта адбылося на сённяшнім пасяджэнні Выканаўчай рады. З 1 ліпеня БТРК больш не зможа атрымаць доступ да шэрага паслуг для членаў ЕВС. Сярод іх:
■ абмен навінамі і музычным кантэнтам;
■ правы на трансляцыю пэўных музычных і спартыўных мерапрыемстваў;
■ юрыдычную, тэхнічную і даследчую экспертызу;
■ паслугі па абароне інтарэсаў.
«Апошнія тыдні нас асабліва ўстрывожыла трансляцыя інтэрв'ю, відавочна атрыманых пад прымусам. Мы таксама адсочвалі іншыя перадачы Белтэлерадыёкампаніі ў гэтым пытанні, якія выклікаюць сур'ёзныя і вельмі выключныя асцярогі. У святле гэтых выключных падзей у Выканаўчай рады няма іншай альтэрнатывы, акрамя як прапанаваць прыпыніць сяброўства Белтэлерадыёкампаніі ў EBU», — адзначае арганізацыя.
Каментары