Папулярны ютуб-канал не абнаўляецца амаль месяц. Што за гэтым стаіць? Заснавальнік Макс Морысан тлумачыць, што праблемы звязаныя з тым, што ён перабраўся ў Вільню ў іншае жытло, адкуль няма тэхнічнай магчымасці весці стрымы.
«Я рыхтую матэрыял пра літоўска-беларускую мяжу, дзе працягвае адзіночны пікет Сяргей «Космас». Планую пару рэпартажаў яшчэ. Пакуль праца заключаецца якраз у гэтым. Планую ўзнавіць эфіры ў жніўні», — кажа ён.
«Радыё-97» паўстала ў другой палове 2020 года. Яго вядучым спачатку быў Макс Морысан, а потым далучыўся Віталь «Вірус» Кандраценка. Яны пачыналі ў фармаце радыё, а потым перайшлі ў ютуб. У штодзённых вечаровых стрымах вядучыя запрашалі розных гасцей, з якімі абмяркоўвалі актуальныя палітычныя падзеі. «Радыё-97» працавала з Украіны, Польшчы, апошнім часам — з Літвы. Агулам «Радыё-97» мае больш за 40 тысяч падпісчыкаў, асобныя стрымы збіралі больш за 200 тысяч праглядаў.
У праекце ўдзельнічаў таксама неадназначны расійскі блогер Яўген Бычкоўскі. У маі праз канфлікт з Бычкоўскім «Радыё-97» пакінуў «Вірус», а ўжо напрыканцы чэрвеня непаразуменні з Бычкоўскім адбыліся і ў Морысана. Цяпер апошні займаецца каналам сам.
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары