Моцна п'яны кіроўца хуткай дапамогі трапіў у аварыю ў цэнтры Слуцка
Побач з цэнтральнай аптэкай аўтамабіль ГАЗель хуткай дапамогі заехаў у Mercedes-Benz Sprinter. Па словах відавочцаў, кіроўца «хуткай» паводзіў сябе вельмі падазрона, ледзь трымаўся на нагах, аднак амаль адразу прыбыў экіпаж ДПС — і кіроўца паспрабаваў збегчы. У выніку яго затрымалі, а пасля агляду і «афармлення» аварыі адвезлі дадому, піша slutsk-gorod.by.
Сітуацыю пракаментавалі ў Слуцкай ДАІ. Устаноўлена, што мікрааўтобус Mercedes спыніўся перад пешаходным пераходам для пропуску пешаходаў, у гэты момант у яго ззаду заехала ГАЗель хуткай дапамогі, брыгада якой ехала на выклік. У выніку сутыкнення бус выкаціўся наперад прыкладна на 15 метраў.
Цудам ніхто не пацярпеў, у момант удару пешаходы яшчэ не выйшлі на праезную частку.
Высветлілася, што кіроўца «хуткай» раніцай прыйшоў на працу цвярозым, прайшоў медагляд і выехаў на лінію. Пры сабе ў яго было спіртное, якое ён ужываў на працягу працоўнага дня. Алкатэст паказаў у крыві парушальніка 4 праміле алкаголю.
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно18
Каментары