На пачатку 2022 года пачнуцца клінічныя выпрабаванні спецыфічнай для штама «амікрон» вакцыны ад каранавіруса. Пра гэта паведаміла прэс-служба кампаніі Moderna.
Ажно да запуску ў вытворчасць спецыфічнай вакцыны Moderna разлічвае змагацца з амікрон-штамам з дапамогай бустарных прышчэпак. Кампанія ўжо выпрабавала эфектыўнасць рэвакцынацыі супраць «амікрона». Паводле апублікаваных вынікаў даследавання, колькасць антыцелаў пасля паўторнага ўколу павялічваецца ў дзясяткі разоў.
«Ухвалены цяпер бустар вакцыны мРНК-1273 памерам 50 мікраграмаў павышае ўзровень антыцелаў, што нейтралізуюць «амікрон», прыблізна ў 37 разоў у параўнанні з іх ўзроўнямі да ўвядзення бустара», — гаворыцца ў паведамленні.
Акрамя таго, кампанія выпрабоўвае і бустар падвойнага аб'ёму, калі пацыенту ўводзіцца адразу сто мікраграмаў прэпарату. Такі ўкол, згодна з праведзенымі выпрабаваннямі, на 29 дзень пасля ін'екцыі павялічвае лік антыцелаў у 83 разы. Сур'ёзных пабочных з'яў кампанія не выявіла.
-
Як Радзім Гарэцкі прамяняў кар'еру ў Маскве на Мінск і не пашкадаваў. Гісторыя жыцця 96-гадовага віцэ-прэзідэнта Акадэміі навук
-
Пазняк: Выпускаюць толькі прарасійскіх людзей, а не беларускіх патрыётаў
-
Лідар на Пірэнеях. З'явіўся «народны» рэйтынг устаноў, праз якія яшчэ можна атрымаць шэнгенскую візу
Каментары