Мінпадаткаў патлумачыла, што рабіць ІП, якім забаранілі ўжываць спрошчаную сістэму падаткаабкладання
Міністэрства па падатках і зборах патлумачыла, што рабіць ІП, якім у адпаведнасці з новым Падатковым кодэксам забаранілі ўжываць спрошчаную сістэму падаткаабкладання. Трэба адзначыць, што афіцыйна ПК яшчэ не апублікаваны і не ўступіў у сілу, піша reform.by.
Паводле інфармацыі МПЗ, прымяняць спрошчаную сістэму не змогуць з 1 студзеня ІП, якія аказваюць паслугі. Выключэнне зроблена для наступных відаў дзейнасці:
— турыстычная дзейнасць,
— дзейнасць у сферы аховы здароўя;
— дзейнасць сухапутнага транспарту;
— паслуг па грамадскім харчаванні;
— дзейнасць у галіне камп'ютарнага праграмавання.
У МПЗ растлумачылі, што ІП, якія займаюцца прадстаўленнем астатніх відаў паслуг, якія не змогуць з 1 студзеня 2022 годзе прымяняць спрошчаную сістэму падаткаабкладання (ССП). Яны павінны будуць выплачваць падаходны падатак з фізічных асоб у дачыненні да даходаў, атрыманых ад ажыццяўлення прадпрымальніцкай дзейнасці. Выплата падатку ажыццяўляецца ў парадку, устаноўленым раздзелам 18 ПК. Стаўка па такіх даходах у дзейным кодэксе складае 16%.
МПЗ адзначае што ІП не трэба адлюстроўваць рашэнне аб адмове ад прымянення ССП у падатковай дэкларацыі (разліку) па ССП, якая прадстаўляецца за апошні справаздачны перыяд 2021 года
Акрамя таго, МПЗ паведамляе, што калі ІП у сферы паслуг працуе выключна па заказах грамадзян, якія набываюць або выкарыстоўваюць паслугі выключна для асабістых, бытавых, сямейных і іншых патрэб, не звязаных з ажыццяўленнем прадпрымальніцкай дзейнасці, ёсць магчымасць перайсці на выплату адзінага падатку ў адпаведнасці з раздзелам 33 ПК.
«Індывідуальныя прадпрымальнікі, якія з 1 студзеня 2022 г. не змогуць прымяняць ССП, абавязаны з названай даты выплачваць падаходны падатак у дачыненні да даходаў, атрыманых ад ажыццяўлення прадпрымальніцкай дзейнасці, гэта значыць з 1 студзеня 2022г. прымяняць агульнаўстаноўлены парадак. У той жа час, замест выплаты падаходнага падатку асобныя катэгорыі такіх індывідуальных прадпрымальнікаў мае права ўжываць сістэму выплаты адзінага падатку (пры захаванні ўмоў яго прымянення, вызначаных у раздзеле 33 Падатковага кодэксу)», — гаворыцца ў лісце МПЗ.
-
У Беларусі забаранілі кітайскія тэлефоны. Норма ўтрымання свінцу ў іх была перавышана ў 330 разоў
-
Паглядзіце, які мілы сабака працуе на памежным пераходзе з Латвіяй ФОТАФАКТ
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі4
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3535
Каментары