Прэм'ер-міністр Вялікабрытаніі Барыс Джонсан абвясціў аб скасаванні з 26 студзеня абмежаванняў, уведзеных у Англіі праз распаўсюд варыянту каронавіруса «амікрон», паведамляе BBC News.
Выступаючы ў Палаце грамад, Джонсан заявіў, што, на думку экспертаў, цяперашняя хваля распаўсюджвання коранавіруса ўжо дасягнула піку на нацыянальным узроўні.
З 26 студзеня ў Англіі будзе адменена абавязковае выкарыстанне масак ў грамадскіх месцах, гэта стане рэкамендацыяй. Таксама адменяць патрабаванне прад'яўляць кавід-пашпарт для наведвання начных клубаў, канцэртаў і масавых мерапрыемстваў.
Улады Англіі пакінулі на выбар арганізатараў асобных мерапрыемстваў пытанне аб тым, выкарыстоўваць ці не кавід-пашпарты для пропуску людзей.
Барыс Джонсан таксама адзначыў, што ўлады не будуць рэкамендаваць жыхарам працаваць з дому, таму ім варта абмеркаваць вяртанне ў офісы са сваімі працадаўцамі.
Акрамя таго, ужо 20 студзеня вучні старэйшых класаў змогуць не насіць маскі ў школах.
Прэм'ер-міністр дадаў, што ўрад збіраецца адмяніць патрабаванне аб ізаляцыі людзей, у якіх выявілі кавід. Паводле яго слоў, пакуль гэта патрабаванне застаецца ў сіле, але з часам павінна стаць толькі рэкамендацыяй.
Цяпер чытаюць
Дэпартаваныя пры пасярэдніцтве амерыканцаў палітвязні завіслі між пеклам і зямлёю — без ДНЖ і магчымасці працаваць11
Каментары