Краіны Еўрасаюза шукаюць альтэрнатыўныя шляхі паставак газу, каб пазбавіць козыра Расію
Брусель асцерагаецца, што Расія, якая пастаўляе 40% паліва ў Еўропу, можа скараціць аб'ёмы прапампоўкі ў адказ на санкцыі, якія маглі б быць уведзеныя ў выпадку ўварвання Расіі ў Украіну. Альтэрнатыва бачыцца ў Азербайджане, піша газета Financial Times.
Як паведамляе выданне, ЗША ўжо перагаварылі з Катарам і іншымі буйнымі экспарцёрамі газу аб дадатковых пастаўках звадкаванага прыроднага газу. Брусель, у сваю чаргу, вядзе перамовы адносна своп-здзелак па звадкаваным газе з некаторымі азіяцкімі краінамі.
Па звестках газеты, еўракамісар па энергетыцы Кадры Сімсан у пачатку лютага адправіцца ў Азербайджан для перамоў з міністрам энергетыкі і міністрам экалогіі і прыродных рэсурсаў гэтай краіны, каб дамовіцца аб дадатковых газавых пастаўках у ЕС. А 7 лютага Сімсан прыбудзе ў Вашынгтон на энергетычны савет ЗША — ЕС.
Азербайджан гатовы пампаваць Еўропе газ дадаткова ў экстранным выпадку, калі напружанасць у адносінах Расіі з Украінай парушыць пастаўкі. Пра гэта заявіў пасол Азербайджана ў Вялікабрытаніі Элін Сулейманаў, паведамляе Bloomberg.
Чытайце таксама:
WSJ: Захад ведае слабыя месцы Расіі і здольны ўдарыць вельмі балюча
Напружанасць паміж Германіяй і ЗША і «геапалітычная зброя». За што крытыкуюць трубаправод «Паўночны паток — 2»?
Узнаўляльныя крыніцы энергіі ў 2020-м сталі галоўнай крыніцай электрычнасці ў ЕС
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары