Бацькі вучняў ліцэя №2 звярнуліся да Качанавай і Лукашэнкі. Просяць захаваць ліцэй
Першы зварот адправілі па электроннай пошце 16 снежня, другі аднеслі ў прыёмную. Пад кожным 450+ подпісаў, піша Dev.by.
Алена — мама, чыё дзіця вучыцца ў ліцэі №2 Мінска. Гаворыць, установу выбіралі мэтанакіравана. У іх родным Салігорску тры гімназіі і адна «моцная школа», але тут адносіны выкладчыкаў і дзяцей асаблівыя — яны на роўных. Вось чаму сюды пастаянна вяртаюцца выпускнікі: то перад адзінаццацікласнікамі выступаюць з лекцыямі, то з настаўнікамі чай п'юць.
— Хтосьці кажа: «Вашы дзеці давучацца. Чаго вы так хвалюецеся?» — разважае Алена. — Мне не ўсё роўна, маёй малодшай дачцэ 12 гадоў. Яна збіралася паступаць у Ліцэй № 2. Знаёмыя спецыяльна пабудавалі кватэру ў Лошыцы, каб дзіцяці ў будучыні было зручна ездзіць на заняткі. І што цяпер?
Сама Алена здымае кватэру недалёка ад установы адукацыі — так яна вырашыла пытанне з жыллём у Мінску, калі старэйшае дзіця паступіла ў ліцэй №2.
3 снежня бацькоў сабралі чыноўнікі з адміністрацыі Ленінскага раёна. Асноўны пасыл такі: усё добра, не хвалюйцеся. Вашы дзеці давучацца, набору не будзе. А як быць тым, хто ходзіць на платныя падрыхтоўчыя курсы пры ліцэі (у звароце да Качанавай указана, што гэта 200 чалавек)? бацькі выказвалі незадавальненне.
Адчыніце ў інтэрнэце водгукі, пачытайце, што пішуць выпускнікі: «Гэта найлепшыя гады ў маім жыцці». Не ўсе ж могуць паступіць у Ліцэй БДУ, гэта вельмі-вельмі высокая планка, але і ў Другі ліцэй не ўсіх бяруць. У сярэднім конкурс 1,5 чалавека на месца. Пазіцыя бацькоў такая: «Захавайце ліцэй. Хіба ён самы дрэнны? Ён уваходзіць у дзясятку найлепшых устаноў Мінска». Як іх [чыноўнікаў] ўгаварыць пакінуць ліцэй? Не ведаю».
Чытайце таксама:
Сталічны ліцэй № 2, які спрабавалі адстаяць бацькі вучняў, усё ж закрываюць
«Упарадкавалі». Намеснік міністра адукацыі пракаментаваў інфармацыю пра закрыццё ліцэяў
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары