Свет

Генеральная пракуратура Беларусі завяла крымінальную справу на мэра ўкраінскага Дняпра

Генеральная пракуратура Беларусь распачала крымінальную справу ў дачыненні да кіраўніка ўкраінскага Дняпра Барыса Філатава. Яму інкрымінуецца распальванне нацыянальнай варожасці. 

Барыс Філатаў. Фота: прэс-служба Дняпроўскага гарсавета.

Паводле версіі пракуратуры, Барыс Філатаў, будучы службовай асобай, арганізаваў здыманне дзяржаўнага сцяга Беларусі, размешчанага ля ўваходу ў будынак гарадской рады, замяніўшы яго на бел-чырвона-белы. Тым самым, як лічаць пракуровы, ён «паздзекаваўся над гістарычнай і культурнай рэліквіяй і тым самым прынізіў нацыянальны гонар і годнасць беларусаў». 

Такія дзеянні беларускія пракуроры кваліфікавалі па ч. 2 арт. 130 Крымінальнага кодэкса Рэспублікі Беларусь, завялі крымінальную справу і накіравалі яе ў Следчы камітэт.

Сам Барыс Філатаў сёння адказаў на патрабаванне беларускай амбасады прынесці прабачэнні «беларускаму народу»:

«Разумееце, мы жывем у свабоднай краіне. Так, у нашай краіне маса праблем, але ў ёй лёгка дыхаць.

Напрыклад, у нас, у адрозненне ад Беларусі, Прэзідэнт не прызначае кіраўнікоў горада. Больш таго, мы нашаму Прэзідэнту не падпарадкоўваемся. Мы — асобная галіна ўлады. Мы — мясцовае самакіраванне.

Ва Украіне прэзідэнт не камандуе мэрамі і муніцыпалітэтамі, таксама мэры і муніцыпалітэты не камандуюць грамадзянамі.

У нас кожны грамадзянін можа выйсці да мэрыі з плакатам: «Бора, калі ты ўжо здохнеш?», і яму за гэта нічога не будзе. Яго не паб'юць палкай амапаўцы і яго не пасадзяць у камеру.

Так, безумоўна, Бору такія плакаты могуць не падабацца, але дэмакратыя Бору падабаецца больш. Таму, калі мясцовая моладзь усталявала каля мэрыі флагштокі са сцягамі нацыянальных суполак, то яна мае права гэтыя сцягі мяняць так, як ёй захочацца. Тым больш што, у адрозненне ад нацысцкай і камуністычнай сімволікі, бел-чырвоны-белы сцяг не з'яўляецца забароненым у Украіне. Таму моладзь можа вешаць у мэрыі любыя сцягі, якія захоча.

І «улады Дняпра» тут моладзі не ўказ. Таму, што мы жывем у свабоднай краіне. Мы ганарымся тым, што мы жывем у свабоднай краіне.

І гатовыя яе абараняць. Хоць гэта, напэўна, вам дакладна гэтага не зразумець. Ні ў Расеі, ні ў Беларусі».

Чытайце таксама: 

Беларусь уручыла ноту пратэсту Украіне за замену чырвона-зялёнага сцяга каля мэрыі Дняпра на бела‑чырвона‑белы

Пасольства Беларусі ў Украіне: Беларусы ставяцца да чырвона-зялёнага сцяга з трымценнем

Сцяг Беларусі каля мэрыі ўкраінскага Дняпра замянілі на бела-чырвона-белы

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ізраіль бамбіць Сірыю, патрабуючы ад Дамаска адчапіцца ад друзаў. З чаго такая дружба?7

Ізраіль бамбіць Сірыю, патрабуючы ад Дамаска адчапіцца ад друзаў. З чаго такая дружба?

Усе навіны →
Усе навіны

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог8

Трамп заявіў, што ракеты для Patriot ужо адпраўлены ва Украіну1

У Брэсце перад 3 ліпеня былі масавыя «прэвентыўныя» затрыманні

«Віза не прызначаная для турызму». Беларуса дэпартавалі з Польшчы за «нямэтавую» паездку ў Чэхію8

У Беларусь праездам з Еўропы зазірнуў прэзідэнт Інданезіі1

Сямігадовы хлопчык назбіраў амаль 2 тысячы рублёў за год. На што пойдуць грошы?2

Пуцін адхіліць ультыматум Трампа і рыхтуецца да новай эскалацыі ва Украіне5

Трамп заявіў, што Зяленскі не павінен наносіць удары па Маскве, а дальнабойных ракет Украіне ён не дасць7

Лявончык: На 18 тысяч тых, хто атрымаў дапамогу, было тры крымінальныя справы13

больш чытаных навін
больш лайканых навін

Ізраіль бамбіць Сірыю, патрабуючы ад Дамаска адчапіцца ад друзаў. З чаго такая дружба?7

Ізраіль бамбіць Сірыю, патрабуючы ад Дамаска адчапіцца ад друзаў. З чаго такая дружба?

Галоўнае
Усе навіны →

Заўвага:

 

 

 

 

Закрыць Паведаміць