Свет

«Мы не маглі дапусціць, каб яны атрымалі ДНК прэзідэнта». Разгаданая таямніца даўжэзнага крамлёўскага стала

Прэзідэнт Францыі Эмануэль Макрон адхіліў просьбу Крамля прайсці тэст на COVID-19, калі прыбыў на сустрэчу з Уладзімірам Пуціным у Маскву. Таму яго і трымалі на адлегласці ад расійскага лідара. Пра гэта піша Reuters са спасылкай на дзве крыніцы ў атачэнні Макрона.

Макрон і Пуцін падчас сустрэчы сядзелі на процілеглых канцах чатырохметровага стала.

Крыніцы агенцтва, знаёмыя з пратаколам аб стане здароўя прэзідэнта Францыі, паведамілі, што ў Макрона быў выбар: альбо ён згаджаўся на ПЛР-тэст, праведзены расійскімі лекарамі, і яму тады дазволілі б наблізіцца да Пуціна, альбо адмаўляўся, і тады быў бы вымушаны прытрымлівацца больш строгага сацыяльнага дыстанцыявання.

«Мы вельмі добра ведалі, што гэта азначае адсутнасць поціску рукі і гэты доўгі стол.

Але мы не маглі дапусціць, каб яны атрымалі ДНК прэзідэнта»,

— сказала адна з крыніц, спасылаючыся на асцярогі адносна бяспекі, калі французскі лідар будзе правярацца расійскімі лекарамі.

Другая крыніца ў асяроддзі Макрона пацвердзіла, што ён адмовіўся прайсці расійскі ПЛР-тэст. Замест гэтага ён здаў французскі ПЛР-тэст перад ад'ездам і тэст на антыген, зроблены ягоным уласным лекарам у Расіі. Але гэта не аказала на расійскі бок уражання. «Расіяне сказалі нам, што Пуціна трэба трымаць у строгай медыцынскай бурбалцы», — сказала гэта крыніца.

У чацвер, праз тры дні пасля сустрэчы Макрона і Пуціна, расійскі лідар прыняў прэзідэнта Казахстана Касым-Жамарта Такаева. Абодва прэзідэнты абмяняліся поціскамі рукі і селі побач, падзеленыя толькі невялікім кававым столікам.

Таксама на мінулым тыдні Пуцін сустракаўся з венгерскім прэм'ерам Віктарам Орбанам, і яны сядзелі за тым самым вялікім сталом. Відаць, кіраўнік Венгрыі, нягледзячы на сваю прарасійскасць, таксама пакідаць у Маскве ДНК не рызыкнуў.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Кныровіч расказаў, чаму былы дырэктар аршанскіх заводаў пасля вызвалення пайшоў ваяваць за Расію, дзе і загінуў1

Кныровіч расказаў, чаму былы дырэктар аршанскіх заводаў пасля вызвалення пайшоў ваяваць за Расію, дзе і загінуў

Усе навіны →
Усе навіны

«Мне было 15». Былы студэнт абвінаваціў выкладчыка і кіраўніка ансамбля «Белая Русь» у дамаганнях, якія цягнуліся каля года12

Адзін укол — і слых вяртаецца. Навукоўцы зрабілі прарыў у лячэнні глухаты1

Былому намесніку начальніка расійскага Генштаба далі 17 гадоў зняволення1

«Плыве так вальяжна». У Бярозе ў возеры завялася «наша капібара» ВІДЭА

У лесе паміж Івянцом і Ракавам турысты сустрэлі рысь з рысянятамі ВІДЭА4

У Полацку жанчыну пакаралі за відэа ў тыктоку з мільённымі праглядамі3

Генадзь Туміловіч, толькі ўладкаваўшыся на працу ў Ізраілі, адразу ж уляпаўся ў скандал8

У сацсетках паскардзіліся, што міліцыя штрафуе за фатаграфаванне ў полі з васількамі. Гэта сапраўды так?5

Прэм'ер Літвы раскрытыкаваў рашэнне Польшчы ўвесці памежны кантроль5

больш чытаных навін
больш лайканых навін

Кныровіч расказаў, чаму былы дырэктар аршанскіх заводаў пасля вызвалення пайшоў ваяваць за Расію, дзе і загінуў1

Кныровіч расказаў, чаму былы дырэктар аршанскіх заводаў пасля вызвалення пайшоў ваяваць за Расію, дзе і загінуў

Галоўнае
Усе навіны →

Заўвага:

 

 

 

 

Закрыць Паведаміць