Польшча будзе прасіць УЕФА перанесці стыкавы матч з Расіяй на нейтральнае поле
Польскі футбольны саюз збіраецца звярнуцца ў Саюз еўрапейскіх футбольных асацыяцый (УЕФА) наконт правядзення матчу кваліфікацыі чэмпіянату свету 2022 года супраць Расіі ў Маскве 24 сакавіка.
Палякі папросяць перанесці сустрэчу на нейтральнае поле з-за палітычнай абстаноўкі. На думку міністра спорту і турызму Польшчы Каміля Бартнічука, футбалісты не павінны ляцець у Расію. «Калі перанос не ўхваляць, будзем думаць, што рабіць», — дадаў функцыянер.
Пра гэта паведамляе Polskie Radio 24.
Адзначаецца, што неафіцыйныя крыніцы ва УЕФА лічаць магчымым перанос матчу толькі ў выпадку небяспечнай сітуацыі ў месцы правядзення гульні. Сустрэча павінна адбыцца 24 сакавіка ў Маскве.
Пераможца сустрэчы згуляе з пераможцам пары Чэхія — Швецыя. І пераможца ўжо гэтай гульні заваюе пуцёўку ў фінальную частку чэмпіянату свету па футболе.
Чытайце таксама:
Фінал Лігі чэмпіёнаў могуць перанесці з Пецярбурга з-за сітуацыі вакол Украіны
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары