У ЗША заявілі, што прэзідэнт Расіі Уладзімір Пуцін, падобна, не гатовы ісці на кампраміс для спынення вайны ва Украіне. Пра гэта Reuters заявіў высокапастаўлены чыноўнік Дзяржаўнага дэпартамента.
Уладзімір Пуцін. Фота: Sputnik/Міхаіл Кліменцьеў.
«Усё, што я бачыў, — гэта тое, што цяпер ён не жадае ісці на кампраміс», — сказаў чыноўнік.
Ён таксама дадаў, што не можа спрагназаваць, наколькі далёка ЗША зойдуць, прапаноўваючы Расіі абыходныя шляхі для завяршэння вайны ва Украіне.
Як адзначаецца, украінскі бок невысока ацэньвае шанцы на сур'ёзны прарыў на перамовах у Стамбуле.
Перамовы паміж Украінай і Расіяй пройдуць 29 сакавіка ў Стамбульскім палацы Долмабахчэ. Расійскі бок ужо прыехаў у Стамбул.
У Турцыі паведамілі, што двухдзённыя перамовы стартуюць у аўторак, 29 сакавіка.
Ціханоўскі расказаў, што трэба было рабіць у жніўні 2020-га62
Каментары