Меркаванні

Ціханоўская ў The Economist: Калі б Пуціна і Лукашэнку спынілі ў 2020 годзе, нічога б гэтага не адбылося

Святлана Ціханоўская напісала калонку для брытанскага выдання «The Economist» — пра тое, што слабая пазіцыя Захаду ў 2020 годзе стасоўна Беларусі прывяла да таго, што беларускі кіраўнік стаў саюзнікам Расіі ў вайне супраць Украіны.

«Каб дапамагчы Украіне, Захаду час вучыцца на сваіх памылках, якія ён дапусціў у Беларусі ў 2020 годзе, — піша Ціханоўская. — У мяне ўзнікае дэжавю, калі я бачу, як Уладзімір Зяленскі адчайна спрабуе дамагчыся ўвагі ўсяго свету. Ён робіць гэта ў той час, як мірныя гарады руйнуюцца ракетамі, выпушчанымі з маёй краіны, Беларусі. Гэта стала магчымым толькі таму, што, калі Аляксандр Лукашэнка, дыктатар, які кіраваў Беларусю больш за 27 гадоў, заявіў аб сваёй перамозе на фальсіфікаваных выбарах у нашай краіне менш за два гады таму, Захад зрабіў занадта мала».

На баку Лукашэнкі выступіў Пуцін, даўшы зразумець, што запусціць, калі спатрэбіцца, усю моц расійскай вайсковай машыны супраць беларускага народа.

Калі б іх спынілі ў 2020 годзе, нічога б гэтага не адбылося.

«Цяпер на карту пастаўлены лёс як Беларусі, так і Украіны. Беларусь не можа быць свабоднай без свабоднай Украіны і наадварот. Дэмантаж дыктатуры ў Беларусі дапаможа Украіне выйграць вайну. І для Крамля не можа быць мацнейшага пакарання, чым бачыць, што Расія мяжуе з дэмакратычнай Беларуссю.

Еўропа больш бяспечная, калі Беларусь свабодная… Лукашэнка ўжо пагражае размясціць расійскую ядзерную зброю ў Беларусі. Можа нават у канчатковым выніку прыкінуцца міратворцам. Не дайце сябе падмануць, калі ён паспрабуе прыкінуцца міратворцам.

Якой бы ні была рэакцыя Захаду, беларусы працягваюць змагацца за сябе.

Я заклікаю заходніх лідараў вучыцца на сваіх мінулых памылках. Я разумею, чаму яны праяўляюць асцярожнасць, калі сутыкаюцца з Лукашэнкам і Пуціным: ніхто не хоча біцца з хуліганам. Гэта рацыянальны падыход. Але з дыктатарамі гэта не працуе. Я настойліва заклікаю вас перастаць прызнаваць рэжым у Мінску. Сачыце за выкананнем санкцый, перакрывайце шчыліны. Беларусь сама не павінна стаць гіганцкай шчылінай, празь якую расійскі бізнэс зможа абыходзіць заходнія санкцыі. Зрабіць так, каб спадар Лукашэнка не змог пазбегнуць адказнасьці за ўжо ўчыненыя ім злачынствы.

Дыктатараў нельга перавыхаваць. Але я спадзяюся, што дэмакратычны свет зможа навучыцца дзейнічаць хутка і ўсведамляць, калі на карту пастаўленая яго будучыня і яго бяспека. Я перакананая, што дыктатары не вытрымаюць адзінага дэмакратычнага адказу і беспарадкаў дома. Яны выбралі не той бок гісторыі».

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фатограф-агент Мішчук расказаў сваю версію таго, што адбылося11

Фатограф-агент Мішчук расказаў сваю версію таго, што адбылося

Усе навіны →
Усе навіны

На Байкале падлетак забіў нажом чатырох таварышаў на дні нараджэння і падпаліў дом

Спецпрадстаўнік Трампа адказаў Мядзведзеву: Заява не адпавядае статусу сусветнай дзяржавы5

Гурт «Дразды» аб'явіў пра развітальныя гастролі

Пятрухіну забаранялі весці стрым з канфэрэнцыі ў Варшаве. Ён супраціўляўся, а пасля стаў таемна запісваць аўдыя14

Мядзведзеў прыгразіў Трампу Трэцяй сусветнай вайной13

Рашэнне аб перадачы Германіяй Украіне ракет Taurus яшчэ не прынята1

Мерц чакае зацяжную вайну праз нежаданне Расіі весці перамовы2

Каханак Мельнікавай Аляксей Лабееў служыў у КДБ з 2019 года10

Фатограф-агент з двума пашпартамі здымае беларусаў і іх мерапрыемствы ў Варшаве32

больш чытаных навін
больш лайканых навін

Фатограф-агент Мішчук расказаў сваю версію таго, што адбылося11

Фатограф-агент Мішчук расказаў сваю версію таго, што адбылося

Галоўнае
Усе навіны →

Заўвага:

 

 

 

 

Закрыць Паведаміць