Зяленскі Радзе Бяспекі ААН: Трэба пасля вайны абмяркоўваць рэформу сусветнага парадку
Прэзідэнт Украіны Уладзімір Зяленскі, выступаючы сёння ў Радзе Бяспекі ААН, прапанаваў правесці міжнародную канферэнцыю ў Кіеве па рэфармаванні міжнароднага права і міжнароднага парадку.
Зяленскі адзначыў у сваім выступленні:
«Але галоўнае, што сёння самы час трансфармаваць сістэму, стрыжнем якой з’яўляецца ААН. Каб гэта зрабіць, прапануем склікаць глабальную канферэнцыю. І мы просім зрабіць гэта ўжо ў мірным Кіеве, для таго, каб вызначыцца».
«Цяпер цалкам відавочна, што мэты, якія закладаліся ў Сан-Францыска ў 1945 годзе пры стварэнні глабальнай міжнароднай арганізацыі бяспекі, — не дасягнутыя. І дасягнуць іх без рэформаў немагчыма», — адзначыў Зяленскі.
Па словах Зяленскага, Рада Бяспекі ААН павінна прыняць рашэнні, якія прывядуць да міру ва Украіне. Калі арганізацыя не можа гэтага зрабіць, то ёй варта «адхіліць Расію» ад удзелу ў Радзе Бяспекі. Бо Масква блакуе рашэнні, звязаныя з яе дзеяннямі.
«Ці паказаць, як вы можаце перафарматаваць. Або калі ваш цяперашні фармат безальтэрнатыўны і выхаду няма, то далей толькі самароспуск», — сказаў украінскі прэзідэнт.
-
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны
-
«Заблакуем усё»: у Францыі маштабныя пратэсты, амаль 200 затрыманых і транспартны калапс
-
У Непале вайскоўцы часткова ўзялі пад кантроль Катманду, каб прадухіліць новыя беспарадкі
Каментары