Крыніцы: Арыштаваныя топ-менеджары беларускай дачкі «Газпрама»
Як стала вядома «Нашай Ніве», два тыдні таму быў затрыманы топ-менеджмент «Газпрам трансгаз Беларусь». Дакладна гаворыцца пра аднаго з намеснікаў генеральнага дырэктара. Гэта адбываецца на фоне адмовы рускіх працягваць няўдалае будаўніцтва «Газпрам Цэнтра».
Будоўля «Газпрам Цэнтра» пачалася ў 2013 годзе на месцы спецыяльна знесенага для гэтага аўтавакзала «Маскоўскі» на праспекце Незалежнасці ў Мінску.
Чакалася, што ўжо ў 2020-м «Газпрам Цэнтр» стане самым высокім з функцыянуючых будынкаў сталіцы, але рэальныя вынікі 9 год работ абмежаваны фундаментам і каркасам ніжніх паверхаў.
«Наша Ніва» у дэталях паведамляла пра няўдачы на ўсіх этапах амбіцыйнага будаўніцтва.
Чытайце таксама: Італьянскі забудоўшчык разбірае краны і сыходзіць, амбіцыйная будоўля «Газпрам-цэнтра» прыпыненая
Чытайце таксама: Трагікамедыя на будоўлі «Газпрам-Цэнтра»: абсталяванне на $20 мільёнаў сапсавалася
Чытайце таксама: Крыніцы: «Газпрам трансгаз Беларусь» канчаткова прайграў сербам суд на $30 мільёнаў
У сакавіку рускія канчаткова плюнулі на свой праект.
«З цэнтральга офіса «Газпрама» ў сакавіку прыйшоў ліст аб адмове ад будаўніцтва. Маёраў [гендырэктар «Газпрам трансгаз Беларусь»] паведаміў пра гэта віцэ-прэм'еру, а як сказаць Лукашэнку, яны не ведалі», — кажа абазнаная крыніца.
Супадзенне ці не, але неўзабаве пасля гэтага пачаліся затрыманні топ-менеджменту беларускай дачкі «Газпрама», якая і займалася ўзвядзеннем.
«Затрыманы намеснік гендырэктара Андрэй Шабан, а таксама яшчэ двое менеджараў. Папярэдне — згаданы «гурток па інтарэсах» стварыў кампанію, праз якую перапрадавалі абсталяванне для патрэбаў «Газпрама» па завышаных цэнах», — кажуць абазнаныя.
Сёння Лукашэнка згадваў праблемную будоўлю ў кантэксце сваёй бліжэйшай сустрэчы з Пуціным: маўляў, ён хоча ведаць «што там адбываецца».
«Як мне кажуць, яны плацяць шалёныя штрафныя санкцыі. Але справа не ў санкцыях. Не можа ў цэнтры Мінска на галоўным праспекце за плотам стаяць незразумела што. <…> Калі яны не хочуць на гэтай пляцоўцы працаваць, мусіць быць дакладны адказ: так ці не», — выказаўся Лукашэнка на нарадзе па Мінску.
«Нашу Ніву» фінансуюць яе чытачы — падтрымаць проста
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7
Каментары