«Я ўжо дома. Прабачце, але для мяне ўсё скончылася. Я на волі і шчаслівы, а раней ужо сказаў усё, што хацеў».
28 жніўня Сяргей Гаўрылін вярнуўся з Берліна ў Гомель. Пра гэта былы агент КДБ паведаміў карэспандэнту радыё «Свабода» праз інтэрнэт.
Я ўжо дома. Прабачце, але для мяне ўсё скончылася. Я на волі і шчаслівы, а раней ужо сказаў усё, што хацеў. Таму ніякіх інтэрв’ю больш не будзе. Бывайце», — напісаў Сяргей Гаўрылін.Юнак з Гомеля Сяргей Гаўрылін з’ехаў у Берлін і там выставіў у інтэрнеце свой дзённік, у якім прызнаўся, што КДБ заслала яго ў шэрагі экалагічнага саюзу, каб даносіць на актывістаў апазіцыі. За гэта ён атрымліваў штомесячны заробак — трохі большы за сто даляраў. Каб змусіць яго стаць платным інфарматарам, яго шантажавалі выключэннем з універсітэту.
27 жніўня Сяргей Гаўрылін, у якога канчалася шэнгенская віза, паведаміў праз інтэрнэт, што збіраецца вяртацца дамоў і не выключае, што на мяжы яго арыштуюць.
Цяпер чытаюць
Жонка Статкевіча расказала, пра што паспела размаўляць з ім1
Каментары