Сын брытанскага парламентарыя змагаецца за Украіну на перадавой ВІДЭА
Былы каралеўскі марскі пехацінец Бэн Грант, сын сяброўкі брытанскага парламента ад кансерватараў Хелен Грант, быў апазнаны брытанскімі СМІ ў групе замежных добраахвотнікаў, якія ўдзельнічалі ў баі з расійскімі вайскоўцамі.
Узвод Гранта з 15 замежных байцоў удзельнічаў ва ўкраінскім контрнаступе ў Харкаўскай вобласці.
Сын сяброўкі парламента на відэа дапамагае ратаваць яшчэ аднаго брытанскага добраахвотніка Дзіна Артура, які падарваўся на міне падчас перастрэлкі. Чутно, як Грант крычыць: «Мы мусім рухацца наперад, інакш мы памрэм!»
У іншым фрагменце відэа брытанец з камандай бяруць удзел у засадзе на расійскую бронемашыну. Па неправеранай інфармацыі, тады ад падрыву загінулі каля васьмі вайскоўцаў УС РФ, а яшчэ 30 загінулі ў перастрэлцы, калі каманда з 13 амерыканскіх і брытанскіх добраахвотнікаў аб'ядналася з вайскоўцамі УСУ і правяла штурм пазіцый расійскіх вайскоўцаў.
У сваю чаргу, таксама паведамляецца, што ўзвод Гранта ў складзе 15 замежных байцоў трапіў у засаду расійскіх войскаў пасля таго, як іх месцазнаходжанне было вызначанае беспілотнікамі перад іх уласнай аперацыяй. Па словах Бэна Гранта, калі яны накіроўваліся да мэты пад Харкавам, група трапіла ў «масавую перастрэлку».
-
Расія першапачаткова патрабавала ад Украіны тэрыторыі чатырох рэгіёнаў у іх адміністрацыйных межах
-
Да жніўня 2025 года на вайне загінула каля 220 тысяч расіян — ацэнка «Медыязоны» і «Медузы»
-
«Засуньце сабе санкцыі ў адно месца, спадар танцор на касцях». Камандзір Сіл беспілотнікаў УСУ рэзка адказаў міністру замежных спраў Венгрыі
Цяпер чытаюць
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма2
Каментары