Дырэктару бабруйскай фірмы прысудзілі тры гады «хатняй хіміі» за ўдзел у пратэстах
У судзе Ленінскага раёна Мінска вынесены прысуд дырэктару адной з бабруйскіх арганізацый Віктару Арцёму. Суддзя Юлія Шут прызнала яго вінаватым паводле арт. 342 Крымінальнага кодэкса і асудзіла да трох гадоў абмежавання волі без накіравання ў ПУАТ — «хатняй хіміі», піша «Вясна».
Згодна з абвінавачваннем, Арцём прыняў удзел у двух мінскіх Маршах на праспектах Пераможцаў і Машэрава, а таксама на некаторых вуліцах. Ён нібыта прымаў актыўны ўдзел у мерапрыемствах, дзейнічаў сумесна і ўзгоднена з групай асобаў.
Згодна з меркаваннем дзяржабвінавачвання, падчас мерапрыемстваў мужчына таксама выкарыстоўваў «у якасці пратэснай сімволікі палатніну бела-чырвона-белага колеру, а таксама V-падобныя жэсты сярэднім і ўказальным пальцамі абедзвюх рук», а таксама «знаходзіўся і рухаўся ў складзе калоны, у тым ліку на праезнай частцы».
Пасля агучвання прысуду Віктар Арцём быў вызвалены ў зале суда.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары