У Каўнасе адбылася прэзентацыя кнігі Таццяны Астроўскай пра культуру і супраціў у БССР
У межах 10-га Міжнароднага Кангрэса даследчыкаў Беларусі, які прайшоў у Каўнасе з 30 верасня па 2 кастрычніка, адбылася прэзентацыя даследавання Таццяны Астроўскай «Культура і супраціў. Iнтэлігенцыя, іншадумства і самвыдат у савецкай Беларусі (1968-1988)», піша «Вясна».
Кніга ахоплівае перыяд 1968-1988, але, як лічыць аўтарка:
«Гісторыя не скончаная, бо супраціў культуры і сродкамі культуры працягваецца. Сёння грамадства сутыкаецца з беспрэцэдэнтымі рэпрэсіямі».
«Гэта кніга пра тое, як штосьці адбываецца там, дзе, падаецца, нічога не адбываецца. Савецкую Беларусь часта прыводзяць у прыклад як краіну з адсутнасцю пратэсных патэнцыялаў. Але ў Беларусі былі важкія падставы для нязгоды», — сказала падчас прэзентацыі Таццяна Астроўская.
Яна таксама адзначыла ролю рэдактара кнігі Алеся Бяляцкага, які цяпер палітзняволены:
«Алесь для мяне і для многіх ёсць маральным ідэалам. Ён і яго пакаленне сфарміравала мяне і шмат каго іншых інтэлектуальна».
Цяпер чытаюць
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары