Ціханоўская разам з членамі Кабінета сустрэлася з міністрам унутраных спраў Польшчы
Святлана Ціханоўская 24 студзеня ў Варшаве сустрэлася з міністрам унутраных спраў Польшчы Марыюшам Каміньскім. Таксама ў сустрэчы бралі ўдзел з польскага боку віцэ-міністр унутраных спраў Барташ Градэцкі, а з беларускага —члены Аб'яднанага пераходнага кабінета Павел Латушка, Валерый Сахашчык і Валерый Кавалеўскі.
Падчас сустрэчы бакі абмеркавалі наступныя пытанні:
-
спрашчэнне легалізацыі і міграцыйных працэдур для беларусаў. Беларускі бок папрасіў паспрыяць у тым, каб зрабіць працэдуры больш эластычнымі і хуткімі;
-
выдача альтэрнатыўных дакументаў новай Беларусі — каб Польшча падтрымала ініцыятыву, над якой працуюць дэмакратычныя сілы. Гэта дапаможа тысячам беларусаў, якія апынуліся ў Еўропе, не могуць вярнуцца ў Беларусь і не маюць належных дакументаў;
-
падтрымка беларускіх добраахвотнікаў ва Украіне;
-
пытанне прыцягнення да адказнасці вінаватых у рэпрэсіях і вайне ва Украіне;
-
унутраную сітуацыю ў Беларусі, верагоднасць уступлення беларускіх войскаў у вайну і магчымасць падтрымкі рэпрэсаваных беларусаў.
«Верагоднасць удзелу беларускіх войскаў у вайне паступова павышаецца, а гэта азначае, што вайна можа прыйсці і ў Беларусь.
І вельмі важна каб было ўсведамленне, што сапраўдная перамога Украіны ў вайне патрабуе і вырашэння крызісу ў Беларусі.
Мы разумеем, што толькі вольная, дэмакратычна і еўрапейская Беларусь можа гарантаваць Украіне бяспеку і быць сапраўдным паказальным дзейсным і рэгіянальным партнёрам», — сказала Ціханоўская падчас сустрэчы.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары