Вайна

Bloomberg: Пуцін рыхтуе новы наступ на Украіну, вайна можа зацягнуцца на гады

Праз амаль год пасля ўварвання, якое павінна было заняць некалькі тыдняў, расійскі прэзідэнт Уладзімір Пуцін рыхтуе новы наступ на Украіну, у той жа час рыхтуючы сваю краіну да канфлікту з ЗША і іх саюзнікамі, гаворыцца ў артыкуле агенцтва Bloomberg. Па яго ацэнцы, Пуцін падрыхтаваўся і да таго, што канфлікт будзе доўжыцца гадамі.

Уладзімір Пуцін. Фота AP

Крэмль імкнецца прадэманстраваць, што яго войскі могуць вярнуць сабе ініцыятыву пасля некалькіх месяцаў адступлення, аказваючы ціск на Кіеў і яго саюзнікаў для таго, каб яны пагадзіліся на нейкае перамір'е, якое дазволіць Расіі захаваць кантроль над тэрыторыяй, якую яна цяпер акупуе. Так апісалі сітуацыю расійскія афіцыйныя асобы і іх дарадцы ў размовах з Bloomberg.

Нават Пуцін не можа адмаўляць слабыя бакі расійскай арміі, на ўмацаванне якой ён выдаткаваў дзесяцігоддзі. Расійскія войскі страцілі больш за палову першапачатковых заваёў ва Украіне, піша агенцтва. Яго крыніцы распавялі, што пастаянныя няўдачы на фронце многіх у Крамлі прымусілі больш рэалістычна ставіцца да сваіх амбіцый і прызнаць, што нават утрыманне цяперашняй лініі фронту было б дасягненнем.

Аднак Пуцін па-ранейшаму перакананы, што больш буйныя сілы і гатоўнасць Расіі несці страты (якія ўжо цяпер вылічаюцца дзясяткамі тысяч, паводле ацэнак ЗША і Еўропы) дазволяць ёй атрымаць перамогу, нягледзячы на няўдачы.

Аднаўленне наступу можа пачацца ўжо ў лютым-сакавіку, выказалі здагадку крыніцы Bloomberg, блізкія да Крамля. Іх каментарыі адпавядаюць перасцярогам Украіны і яе саюзнікаў, і наступ можа пачацца да таго, як Кіеў атрымае баявыя танкі з ЗША і Еўропы.

Рашучасць Пуціна прадвяшчае смяротную эскалацыю вайны, паколькі Кіеў рыхтуецца да наступу і адхіляе любыя варыянты перамір'я, якія пакінулі б Расіі акупаваныя ёй тэрыторыі. Пуцін лічыць, што ў яго няма альтэрнатывы, акрамя як перамагчы ў канфлікце, які ён лічыць экзістэнцыяльным. Новы віток мабілізацыі магчымы ўжо гэтай вясной, лічаць крыніцы Bloomberg, а эканоміка і грамадства ўсё больш падладжваюцца пад патрэбы вайны.

Амерыканскія і еўрапейскія разведкі задаюцца пытаннем, ці ёсць у Расіі рэсурсы для новага буйнога наступлення, у той час як саюзнікі Украіны ўпершыню рыхтуюцца адправіць баявыя танкі, якія маглі б дапамагчы ўкраінскім войскам прарваць расійскія пазіцыі, гаворыцца ў артыкуле.

Каментары

Цяпер чытаюць

Кіраўнік Ліды заклікаў сілавікоў не спыняць палітычных рэпрэсій23

Кіраўнік Ліды заклікаў сілавікоў не спыняць палітычных рэпрэсій

Усе навіны →
Усе навіны

Час для вялікага наступу Расіі: якімі могуць быць «апошнія 50 дзён вайны»3

Аўтобус Мінск — Вільня з'ехаў у кювет у Валожынскім раёне

Для гараджан — перамога, для вяскоўцаў — трагедыя. Што паказала дзяржаўнае апытанне пра Другую сусветную вайну23

Ахова і дзясяткі людзей у камандзе: за што жыве Офіс Ціханоўскай у Вільні?42

Ужо ў адзінаццаць гадоў? Ва ўсім свеце ўзрост пачатку першых месячных працягвае маладзець7

Шматдзетная амерыканская сям’я ўцякла ў Расію ад «ЛГБТ-прапаганды». Муж ужо трапіў на вайну18

«Такога яшчэ не было». Адбылася масіраваная атака на Крывы Рог, Вінніцу, Харкаў3

«Вада з другога паверха топіць першы і трапляе ў ліфты». Адзін з дамоў у «Мінск-Свеце» зноў паплыў3

Аўтобус і мікрааўтобус сутыкнуліся ў Бярозаўскім раёне: 15 чалавек пацярпелі

больш чытаных навін
больш лайканых навін

Кіраўнік Ліды заклікаў сілавікоў не спыняць палітычных рэпрэсій23

Кіраўнік Ліды заклікаў сілавікоў не спыняць палітычных рэпрэсій

Галоўнае
Усе навіны →

Заўвага:

 

 

 

 

Закрыць Паведаміць