Патрабуецца дапамога валанцёрцы Таццяне Астроўскай, якая была вымушаная эміграваць пасля зняволення
Таццяну Астроўскую затрымалі 9 ліпеня 2021 года ў сувязі з «аперацыяй па ліквідацыі асабліва радыкальна настроеных асоб». Таццяна насіла перадачы палітвязням на Валадарку і адсылала пасылкі тым, хто адбывае пакаранне на «хіміі».
Жанчыну абвінавацілі па двух артыкулах: 357, ч. 1 — «Захоп улады неканстытуцыйным шляхам» і 361, ч. 2 — «Фінансаванне экстрэмісцкіх арганізацый».
301 дзень Таццяна правяла ў СІЗА-1, што на Валадарскага. З іх — 10 сутак у карцары. 6 мая 2022 года змянілі артыкул і меру стрымання. У выніку Таццяне выставілі абвінавачванне па артыкуле 342, ч. 2, выпусцілі пад паручальніцтва і падпіску аб нявыездзе. Дагэтуль жанчына знаходзіцца пад следствам. Суды працягваюцца. У цяперашні час Таццяна знаходзіцца ў бяспецы, але ў вымушанай эміграцыі разам з дзецьмі.
Таццяна мае патрэбу ў падтрымцы для таго, каб рэабілітавацца пасля перажытых рэпрэсій, аднавіць здароўе і пачаць новае жыццё ў іншай краіне. У Таццяны дыягнаставанае парушэнне функцый, звязаных з эндакрыннай сістэмай, якое развілася з-за неадэкватнай замяшчальнай тэрапіі пры адсутнасці шчытападобнай залозы падчас зняволення.
Пасля турмы выявіліся вялікія праблемы з пазваночнікам і бачныя змены яго формы, патрэбнае будзе паўторнае дарагое фізіятэрапеўтычнае лячэнне. Дзіця, якое год не бачыла маці, таксама мае патрэбу ў дапамозе падчас адаптацыі. Сям'я Таццяны загадзя выказвае падзяку кожнаму, хто акажа дапамогу.
Якая сума неабходная?
3500€ — здымная кватэра (850 еўра на месяц); імунна-аднаўляльныя вітаміны; адукацыя дзяцей.
Аказаць дапамогу
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары