Памерла актрыса тэатра лялек, якая была Дзедам Барадзедам у «Калыханцы»
Пайшла з жыцця актрыса Беларускага дзяржаўнага тэатра лялек Валянціна Пражэева. Пра гэта паведаміў у сацсетках сам тэатр.
Літаральна тыдзень таму актрыса адзначыла 80-годдзе.
«Памяць пра Валянціну Васільеўну Пражэеву назаўсёды застанецца ў сэрцах яе калег і любімых гледачоў», — напісаў тэатр.
Артыстка была адной з лялькаводаў вядомага персанажа «Калыханкі» Дзеда Барадзеда.
Валянціна Пражэева — лаўрэат шматлікіх фестываляў. 50 год яна прысвяціла тэатру лялек.
Сярод яе вобразаў у дзіцячых і дарослых спектаклях былі Галатэя («Цудоўная Галатэя» Б. Гадар і С. Дарваша), Ева («Боская камедыя» І. Штока), дачка Бабы-Ягі («Да трэціх пеўняў» В. Шукшына), дзяўчына Машка («Ляўша» У. Канстанцінава і Б. Рацэра паводле М. Ляскова), Эльвіра Рэнесанс («Клоп» У. Маякоўскага), фрау Босенгейм («Прыгоды бравага салдата Швейка» паводле Я. Гашака), Шарлота («З Парыжам скончана!..» паводле п'есы А. Чэхава «Вішнёвы сад»), Мачаха («Папялушка» Т. Габэ), тыграня Петрык («Тыграня Петрык» Х. Янушэўскай), Кібальчыш («Ваенная тайна» паводле А. Гайдара), шчаня Мікі («Блакітнае шчаня» Д. Урбана), Баба-Яга («Васіліса Прыгожая» К. Чарняк), Фімушка («Званы-лебедзі» Л. Браўсевіча, прынцэса Дысперанда («Чортаў млын» І. Штока) і іншыя.
Нарадзілася артыстка ў расійскім Екацярынбургу. Была заслужанай артысткай Крыма (2001).
Развітанне з Валянцінай Пражэевай адбудзецца ў панядзелак у 11:00 па адрасе Даўгінаўскі тракт, 160а, к. 1.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары