Грамадства77

Прафсаюзы свету заклікалі ўвесці поўную эканамічную блакаду лукашэнкаўскага рэжыму

У наступным месяцы адбудзецца канферэнцыя Міжнароднай арганізацыі працы, удзельнікі якой будуць галасаваць за драконаўскія санкцыі ў дачыненні да рэжыму Лукашэнкі за рэпрэсіі супраць працоўных.

Аляксандр Ярашук (злева) і Сяргей Антусевіч, кіраўнікі Беларускага кангрэса дэмакратычных прафсаюзаў, у судзе

Прафсаюзныя асацыяцыі свету выпусцілі сумесную заяву, у якой гучыць патрабаванне да Міжнароднай арганізацыі працы (МАП) ініцыяваць 33-ы параграф яе статута ў дачыненні да рэжыму Аляксандра Лукашэнкі. Пра гэта 26 мая напісала Міжнародная федэрацыя журналістаў, якая ёсць адным з падпісантаў заявы.

Пад гэтай заявай падпісаліся больш за 10 вялікіх міжнародных арганізацый, у тым ліку Міжнародная канфедэрацыя прафсаюзаў, Міжнародная федэрацыя транспартнікаў, Глабальны саюз рабочых-металістаў, Міжнародная федэрацыя журналістаў ды іншыя.

Зварот Сусветных прафсаюзаў прымеркаваны да чэрвеньскай канферэнцыі працы, на якой будзе праходзіць галасаванне за ўвядзенне супраць Беларусі «33-га параграфа»: выключных эканамічных санкцый за невыкананне рэкамендацый Міжнароднай асацыяцыі працы, што можа выліцца ў блакаванне любога экспарту і фактычнага ўстанаўлення эканамічнай блакады ў дачыненні да краіны-парушальніцы правоў працоўных.

Гэтая мера павінна стаць адказам за рэпрэсіі супраць беларускіх працоўных і Беларускага кангрэса дэмакратычных прафсаюзаў, чые лідары і актывісты былі асуджаныя на пазбаўленне волі за выступы супраць рэжыму Лукашэнкі.

«Сусветныя прафсаюзы заклікаюць дэлегатаў будучай Канферэнцыі працы падтрымаць прыняцце 33-га параграфа статута МАП, каб пакласці канец абуральным парушэнням правоў чалавека і прафсаюзных арганізацый у Беларусі. Прафсаюзны рух — гэта не экстрэмізм і не злачынства. Свабода прафсаюзным дзеячам Беларусі!» — напісалі ў адкрытай заяве Рады сусветных прафсаюзаў.

Нагадаем, што восенню мінулага года МАП аб'явіла аб намеры ініцыяваць 33-ы параграф свайго статута супраць Беларусі. Для канчатковага прыняцця рашэння ў гэтым чэрвені пройдзе галасаванне, для станоўчага выніку якога павінна набрацца дзве траціны галасоў дэлегатаў.

Такое рашэнне за ўсю гісторыю прымалася толькі адзін раз у дачыненні да М'янмы ў 2001 годзе, калі там адбыўся дзяржаўны пераварот.

Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу.

З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.

За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў і адкінутыя базавыя нормы законнасці і маралі. 

«Наша Нiва» — бастыён беларушчыны

ПАДТРЫМАЦЬ

Чытайце яшчэ:

Міжнародная платформа для Беларусі, якая збірае доказы злачынстваў рэжыму Лукашэнкі, выпусціла справаздачу

Польшча можа забараніць рух праз мяжу грузавікоў з беларускімі і расійскімі нумарамі

ЗША ўвялі абмежаванні на экспарт 1200 пазіцый у Расію і Беларусь

Каментары7

  • 100%
    27.05.2023
    Гэта было  патрэбна  зрабиць яшчэ "учора"!!!
  • вожык
    27.05.2023
    Ад якіх санкцый пакутаваў асабіста Лукашэнка? я такіх не ведаю.
  • Казімір Чорны
    27.05.2023
    Кампетэнцыя аўтара нулявая, нават імя Аляксандра Ярошука зблытаў і назваў Віктарам. Гэта той выпадак, калі лепей прамаўчаць, чым пісаць такую бязглуздзіцу!

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

Макрон заявіў пра гатоўнасць адправіць ва Украіну 50 тысяч вайскоўцаў6

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць