Сталі вядомыя першыя вынікі па цэнтралізаваным экзамене: 900 стабальнікаў
За ЦЭ па рускай мове 100 балаў атрымалі 482 выпускнікі, па беларускай — 413, як паведамляе тэлеграм-канал Міністэрства адукацыі.
Першы цэнтралізаваны іспыт па рускай і беларускай мовах быў 14 мая. У ім прынялі ўдзел больш за 53 тысячы 11-класнікаў.
Па выніках ЦЭ па рускай мове 100 балаў атрымалі 482 выпускнікі, па беларускай — 413 навучэнцаў.
У адукацыйным ведамстве адзначылі, што павелічэнне колькасці 100-бальных вынікаў у параўнанні з мінулымі гадамі тлумачыцца поўнай карэляцыяй тэставага матэрыялу з вучэбнай праграмай, а таксама выключэннем заданняў пятага ўзроўню складанасці.
Каля 10 працэнтаў выпускнікоў не змаглі пацвердзіць адзнакі 9 і 10 балаў, атрыманыя па выніках года.
Вынікі 6, 7 і 8 балаў (па дзесяцібальнай шкале) паказалі каля 60% удзельнікаў ЦЭ па дзяржаўных мовах.
Выпускнікі ў сярэднім справіліся прыкладна з 70 працэнтамі заданняў ЦЭ.
Тэст па беларускай мове на 0 балаў выканалі 3 чалавекі, 1, 2 балы (па дзесяцібальнай шкале) атрымалі 63 навучэнцаў па беларускай мове і 85 — па рускай.
У Мінадукацыі мяркуюць, што новая форма выніковай атэстацыі выпускнікоў апраўдала сябе.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі11
Каментары