Усяго патроху

ChatGPT дапісаў «Гульню тронаў», чаго сам аўтар не змог зрабіць за 12 гадоў

Але, у адрозненне ад Джорджа Марціна, штучны інтэлект забівае сваіх персанажаў не так ахвотна. 

Актрыса Эмілія Кларк у ролі Дэйнэрыс Таргарыен — адной з галоўных гераінь фэнтэзійнага серыяла «Гульня тронаў» і серыі кніг «Песня лёду і полымя» (A Sing of Ice and Fire). Фота: кадр з серыяла / HBO

Адзін з фанатаў сусвету «Песні лёду і полымя» пры дапамозе нейрасеткі ChatGPT цалкам дапісаў дзве апошнія кнігі з серыі, а менавіта «Вятры зімы» і «Мроі аб вясне». Пра гэта 19 ліпеня напісаў буйны партал IGN, які здолеў пагутарыць з тым самым фанатам.

Незалежны энтузіяст Ліам Суэйн распавёў IGN, што для атрымання такога выніку падчас працы з ChatGPT ён выкарыстоўваў адну і тую ж падказку-запрос, каб спачатку атрымаць ад нейрасеткі «шкілеты» глаў кніг, а потым зноў ёй закідваў гэтыя «шкілеты» для іх паляпшэння і завяршэння. 

Усяго такім чынам атрымалася здабыць 45 гатовых глаў для адной кнігі і прыкладна столькі ж для другой.

«ChatGPT хоць і не заменіць аўтара кніжнага сусвету Джорджа Марціна, але ўсё ж такі ён выдатна справіўся са сваёй працай. Нейрасетка выдала паўнавартасныя і вельмі вялікія па аб'ёме творы, у якіх не выпускае персанажаў з-пад увагі і ўсяляк абагульвае з імі сюжэтныя хады і павароты. А павароты гэтыя не заўсёды бываюць відавочнымі, зусім як у творах, напісаных чалавекам», — адзначае ў размове з IGN Ліам Суэйн.

Таксама ён дадае, што штучны інтэлект усё роўна не здольны замяніць чалавека ў літаратуры, бо не валодае дастатковай фантазіяй і творчай смеласцю, каб трымаць чытачоў у няведанні, напружанні, цікавасці і г.д. 

Па яго назіранні, у кантэксце зробленай працы над дзвюма кнігамі ChatGPT праяўляе сябе залішне добразычліва да цікавых персанажаў гісторыі і не хоча пазбаўляць іх жыцця па тактыцы аўтара кніг Джорджа Марціна, які па-майстэрску кіруе прыхільнасцю чытачоў да іх любімых і нелюбімых герояў.

«Аднак пры гэтым нейрасетка здолела дарабіць тое, чаго да гэтага часу не зрабіў Марцін на працягу вось ужо 12 гадоў. Але гэта не значыць, што ён гэтага не зробіць. Я вельмі чакаю, як і многія іншыя», — дзеліцца Суэйн.

Кніга «Песня лёду і полымя», напісаная адным з асноўных герояў «Гульні тронаў». Фота: кадр з серыяла / HBO

Серыя кніг «Песня лёду і полымя» легла ў аснову мегапапулярнага фэнтэзійнага серыяла «Гульня тронаў», які стварыла кампанія HBO. Сам тэлесерыял выходзіў з 2011 па 2019 год і ўсяго мае восем сезонаў, у якіх разгортваецца гісторыя крывавай барацьбы за ўладу паміж сямю каралеўствамі на кантыненце Вестэрас, якія, у сваю чаргу, не заўважаюць набліжэння самай небяспечнай і страшнай пагрозы ва ўсім свеце.

Апошні восьмы сезон серыяла стаў самым папулярным сярод гледачоў і адначасова з гэтым здаўся ім вельмі супярэчлівым. Нават прапаноўвалася цалкам перазняць сезон, каб знізіць узровень абурэння фанатаў, але гэта так і не адбылося.

Спасылкі на кнігі, дапісаныя штучным інтэлектам, мы пакідаем тут — «Вятры зімы» і «Мроі аб вясне». Мова арыгіналаў — англійская.

Каментары

Цяпер чытаюць

Адкуль у Беларусь едзе больш за ўсё гастарбайтараў? Топ-20 краін — і Пакістана тут пакуль няма2

Адкуль у Беларусь едзе больш за ўсё гастарбайтараў? Топ-20 краін — і Пакістана тут пакуль няма

Усе навіны →
Усе навіны

У Беларусі апошні чырвоны ўзровень небяспекі з-за пылку. Гэта вельмі моцны алерген2

Начная пагоня ў Мінску: кіроўцу затрымлівалі больш за дзясятак інспектараў1

У сацсетках разлятаецца відэа бойкі замежнікаў у цэнтры Гомеля6

«Яны чамусьці думаюць, што іх зараз згвалцяць». Прапаганда кінулася тушыць абурэнне беларусаў 150 тысячамі пакістанцаў26

Ватыкан апублікаваў першую фатаграфію Папы Францішка ў труне1

Беларускія кампаніі ў Літве працягваюць скарачаць каманды. Wargaming — у топе па адтоку3

Затрымалі блогера Валянціна з канала «Каля металу»2

Будавалі бізнэс 11 гадоў, але ўсё згарэла: як сям'я ў Баранавічах падымае з руін справу жыцця

Наколькі ўплывовыя Папа і Каталіцкая царква ў свеце?2

больш чытаных навін
больш лайканых навін

Адкуль у Беларусь едзе больш за ўсё гастарбайтараў? Топ-20 краін — і Пакістана тут пакуль няма2

Адкуль у Беларусь едзе больш за ўсё гастарбайтараў? Топ-20 краін — і Пакістана тут пакуль няма

Галоўнае
Усе навіны →

Заўвага:

 

 

 

 

Закрыць Паведаміць