Вайскоўцам і дзяржаўным службоўцам давядзецца адпрацоўваць дзяржпадтрымку пры будаўніцтве жылля 10 гадоў
Лукашэнка сёння падпісаў указ, якім вызначана, у якіх выпадках грамадзяне абавязаныя будуць пакрыць дзяржпадтрымку на будаўніцтва жылля.
«Дакументам устаноўлена, што дзяржпадтрымка грамадзянам, якія стаяць на ўліку, маюць патрэбу ў паляпшэнні жыллёвых умоў і накіраваныя на будаўніцтва па месцы вайсковай і дзяржаўнай грамадзянскай службы, працы ў дзяржоргане, аказваецца толькі пры ўмове наступнай адпрацоўкі не менш за дзесяць гадоў на такой службе (працы)», — паведамляе прэс-служба Лукашэнкі.
Калі гэта ўмова не выканана, грамадзянін будзе абавязаны вярнуць суму аказанай дзяржпадтрымкі. Гэта кампенсацыя прадугледжаная ў тым выпадку, калі вайсковец ці дзяржаўны службовец звальняецца па ўласнай ініцыятыве ці «па дыскрэдытуючых абставінах».
Патрабаванні аб кампенсацыі не распаўсюджваюцца на шматдзетныя сем'і і сем'і з дзецьмі-інвалідамі, на грамадзян, якія дасягнулі пенсійнага ўзросту або выслугі гадоў, на звольненых па стане здароўя.
Цяпер чытаюць
Асуджаны за «Гаюн» да хіміі брат Ігара Лосіка ўцёк з Беларусі1
Каментары