Маецца на ўвазе кавалак дарогі ўздоўж берага Гараднічанкі паміж будынкамі на вуліцы Будзённага № 46 і № 48 да вуліцы Ажэшкі № 47 і № 49. Па гэтых адрасах размяшчаецца вялікі офісны будынак з польскім консульствам, кафэ «Паланэз», а таксама жылыя дамы.
Магчыма, такім чынам рэжым Лукашэнкі рыхтуе адказ на нядаўнюю змену адраса Генеральнага консульства Беларусі ў Беластоку.
Як вядома, участак вуліцы Электрычнай у Беластоку, дзе размяшчаецца беларускае консульства, у 2022 годзе перайменавалі ў вуліцу Вольнай Беларусі. Але мясцовыя жыхары выступілі супраць перайменавання, падалі ў суд і выйгралі яго. Назву вуліцы тады вярнулі, але пляцоўку, дзе размяшчаецца консульства Беларусі, перайменавалі ў сквер Вольнай Беларусі. Падчас свайго візіту на Падляшша ў ліпені яго ўрачыста адкрылі Святлана Ціханоўская і Павел Латушка.
Каментары