На інаўгурацыю прэзідэнта Зімбабвэ адправілі віцэ-прэм'ера Пархомчыка
Падчас сустрэчы ён перадаў віншаванні ад Лукашэнкі і ад сябе асабіста з пераабраннем на гэтую пасаду.
Намеснік прэм'ер-міністра Беларусі Пятро Пархомчык узяў удзел у інаўгурацыі прэзідэнта Зімбабвэ Эмерсана Дамбудзо Мнангагва. Падчас сустрэчы ён перадаў віншаванні ад Лукашэнкі і ад сябе асабіста з пераабраннем на гэтую пасаду, паведамляе sb.by.
На сустрэчы са зноў абраным прэзідэнтам гэтай краіны віцэ-прэм'ер адзначыў, што Беларусь з задавальненнем назірае за тым, як Зімбабвэ актыўна развіваецца ў сацыяльна-эканамічным плане:
— Ваш урад пісьменна расстаўляе прыярытэты і надае вялікую ўвагу комплекснаму развіццю ўсіх галін, уключаючы сельскую гаспадарку, энергетыку, прамысловасць і інфраструктуру.
Таксама Пархомчык выказаў упэўненасць, што вывераныя кіраўніцтвам краіны стратэгічныя рашэнні, сістэмны падыход у рэалізацыі намечаных планаў, працавітасць і адзінства грамадзян забяспечаць росквіт краіны.
Каментары