Старшыня Аб’яднанай грамадзянскай партыі Анатоль Лябедзька і лідэр Партыі БНФ Аляксей Янукевіч былі ўважліва агледжаны ў Нацыянальным аэрапорце «Мінск».
Як паведаміў Лябедзька, прыкладна а 23‑й 10 снежня яны прыляцелі ў Мінск з кангрэса Еўрапейскай народнай партыі, які праходзіў у Боне.
«Мытнікі забралі ў мяне ўсе дакументы кангрэса: праграму, спіс выступоўцаў, рэзалюцыі, дакументы АГП. Усё адксеракапіравалі, за выключэннем майго штодзённіка з асабістымі запісамі, які я адстаяў са скандалам»,
— сказаў старшыня АГП.
Ён таксама адзначыў, што некалькі дакументаў яму не вярнулі.
«Агляд быў узорна‑паказальным: нават прадукты, якія я вёз з сабой, узважвалі.
Прычым, да прадуктаў паспрабавалі прыпісаць і корм для катоў. Выключылі яго са спіса прадуктаў толькі тады, калі я заявіў, што гатовы яго аддаць пры ўмове, што мытнікі яго пры мне пакаштуюць», — паведаміў Лябедзька.
Паводле яго меркавання, такая пільная ўвага да дакументаў кангрэса ЕНП абумоўлена тым, што на мерапрыемстве была прынята даволі жорсткая рэзалюцыя ў дачыненні да Беларусі.
Дадому палітык, паводле яго слоў, патрапіў а другой гадзіне ночы.
Цяпер чытаюць
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары