Моды1414

Азаронак знайшоў свой стыль — гэтае адзенне добра адлюстроўвае сутнасць прапаганды

Рыгор Азаронак выйшаў у эфір у чорнай касаваротцы. Спецыяліст па іміджы Кацярына Гардзеева тлумачыць, чаму на прапагандысце гэты вобраз выглядае арганічна і чаму яму не пасуюць касцюмы.

Каб стварыць запамінальны імідж, мала купіць моднае адзенне — трэба, каб яно распавядала гісторыю пра чалавека, падкрэслівала моцныя бакі і адводзіла позірк ад таго, што ён жадае схаваць. Бяздумнае фарміраванне гардэробу часта вядзе да адваротнага — няправільна падабраныя рэчы ператвараюць унікальныя асаблівасці асобы ў недахопы. Так адбылося і з Рыгорам Азаронкам: сёння без перабольшання яго можна назваць самым дрэнна апранутым вядучым на праўладным тэлебачанні.

Чаму Рыгору не ідуць касцюмы

Прыгажосць — не эфемернае паняцце. Інстынктыўна людзям падабаюцца вобразы, якія выглядаюць як натуральная і зладжаная сістэма, дзе ўсё гарманічна: голас адпавядае знешнасці, адзенне — характару. Калі нехта спрабуе нацягнуць камплект, які не адпавядае яго культурнаму і эмацыйнаму досведу, у нас з'яўляецца адчуванне падвойнага дна: быццам чалавек надзеў маску і жадае выдаць сябе за кагосці іншага. Гэта палохае і адштурхоўвае. 

Азаронак
Скрыншот відэа СТБ

Дысананс асабістага бэкграўнду і адзення выдатна бачны на прыкладзе Рыгора Азаронка. Прапагандыста нельга папракнуць у інтэлігентнасці. Блытаная гаворка і бедны слоўнікавы запас паказваюць узровень яго адукаванасці, а агрэсіўнасць і няўменне працаваць з інтанацыямі — агульнай культуры. Таму, надзяваючы класічны гарнітур — своеасаблівую ўніформу «работнікаў інтэлектуальнай сферы», — ён ператвараецца не ў тонкага дзелавога чалавека, а ў булгакаўскага Шарыкава. 

Вядоўца спрабуе знайсці свой стыль. Пра гэта сведчаць модныя эксперыменты, якіх у яго было нямала: акрамя класікі, Рыгор насіў і спартовыя лукі, і трэндавы кэжуал, але гэтыя камплекты патрабавалі дапрацоўкі. Многія рэчы былі прыкметна малыя і мелі патрэбу ў падгонцы па фігуры.

Азаронак
Фота: інстаграм Азаронка. Злева — спартовы вобраз, справа — новая касаваротка

Зрэшты, досвед з касавароткай нарэшце аказаўся ўдалым. Кашуля, якая перажыла другое нараджэнне ў часы ранняга СССР, пасуе журналісту як другая скура. Чаму ж гэтая рэч да твару Рыгору?

Калі ідэя супадае з візуальным праяўленнем

У 1930-х гадах былая імперская раскоша канчаткова саступіла месца новай модзе — пралетарскай. Сціплыя касавароткі, брызентавыя штаны і парусінавыя туфлі аказаліся асновай мужчынскага гардэробу.

Моладзь 1930-х

Зрэшты, захапляцца знарочыстай прастатой было не складана: адмова ад НЭПа, чарговы мараторый на вольны гандаль і агульная разруха ў прамысловасці моцна адбіліся на асартыменце, даступным звычайным грамадзянам. А жорны Вялікага тэрору, якія пачалі раскручвацца ў тыя часы, вучылі людзей выстаўляць напаказ галоўнае — адсутнасць буржуазных каранёў. Так, на некаторы час, касаваротка стала рэччу, якая не толькі засцерагала носьбіта ад касых позіркаў таварышаў-бальшавікоў, але і падкрэслівала лаяльнасць да ідэі класавай барацьбы.

касаваротка
Моладзь 1930-х

Відавочна, думка супрацьборства з капіталістычным грамадствам эмацыйна блізкая Азаронку. Таму, у адрозненне ад класічных касцюмаў, касаваротка з'яўляецца выдатнай дэкарацыяй яго «маніфестаў», якія заклікаюць да адмовы ад «мяшчанскіх перажыткаў» і барацьбы з сярэднім класам.

Азаронак
Фота: інстаграм Азаронка

Іміджавая адсылка да 1930-х вельмі дакладная — метады, якімі дзяржава будуе беларускі посткапіталізм сёння, шмат у чым падобныя да тых, якімі карысталіся ў часы ранняга СССР. Вобраз пралетарыя, які выбіўся да рупара, можна назваць тварам сучаснай айчыннай прапаганды.

Каментары14

  • нявеста Азаронка
    11.10.2023
    "ён ператвараецца не ў тонкага дзелавога чалавека, а ў булгакаўскага Шарыкава"
    а мне ў гэтым клетчатым касцюме нагадвае булгакаўскага Коровьева
  • Абу
    11.10.2023
    Смірыцельная кашуля была б больш да твару.
  • СV
    11.10.2023
    levelsuit, які шые гэтыя касавароткі, адзначыўся ў шэрагу скандалаў, а ў якасці мадэляў запрашае рускіх імперцаў і шавіністаў
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Пад Мінскам адбыўся магутны выбух на газавым трубаправодзе7

Пад Мінскам адбыўся магутны выбух на газавым трубаправодзе

Усе навіны →
Усе навіны

Беларуска абурылася коштам лісічак у 55 рублёў за кілаграм3

Сярэдні заробак «бруднымі» складае 911 даляраў4

Адначасова дзве аварыі пад Мінскам, пацярпелі некалькі чалавек. Людзі кажуць пра зачараваны ўчастак трасы

«Пакуль не чуў, каб беларусаў дэпартавалі». Амерыканскі адвакат пра міграцыйную палітыку ЗША пры Трампе2

Купалаўскі тэатр прапаноўвае новую паслугу: цяпер там можна пабрацца шлюбам13

Крутога айцішніка, які вярнуўся з Грузіі, асудзілі па чатырох палітычных артыкулах10

У Амурскай вобласці Расіі разбіўся самалёт з 49 чалавекамі на борце

Два малыя браты атрымалі моцныя апёкі пры распальванні лазні

Ходзіць легенда, што Озі Осбарн адкусіў галаву жывому кажану. А што ж адбылося насамрэч?2

больш чытаных навін
больш лайканых навін

Пад Мінскам адбыўся магутны выбух на газавым трубаправодзе7

Пад Мінскам адбыўся магутны выбух на газавым трубаправодзе

Галоўнае
Усе навіны →

Заўвага:

 

 

 

 

Закрыць Паведаміць