Ён рухаўся ў бок Брэста з боку Тэльмаў.
У Брэсце ў дарожна‑транспартным здарэнні загінуў 23‑гадовы вадзіцель, які спрабаваў уцячы ад супрацоўнікаў ДАІ.
Як паведаміла інспектар аддзялення па агітацыі і прапагандзе абласной ДАІ Наталля Касьянік, аўтамабіль «Фольскваген‑Гольф», за рулём якога знаходзіўся 23‑гадовы жыхар Брэста, трапіў на вочы супрацоўнікам ДАІ 13 снежня ў 0.10 на трасе М‑1 пры пад’ездзе да Брэста.
«На ўчастку дарогі вёска Хабы — вёска Тэльмы ён рухаўся ў бок Брэста да павароту на абласную бальніцу па паласе сустрэчнага руху са значным перавышэннем хуткаснага рэжыму, — адзначыла Касьянік. — Вадзіцель «Фольсквагена‑Гольф» не рэагаваў на неаднаразовыя патрабаванні супрацоўнікаў ДАІ спыніцца, у тым ліку на светлавыя і гукавыя сігналы, якія падаваліся яму. Каб прадухіліць ДТЗ на гэтай паласе дарогі, супрацоўнікамі батальёна дарожна‑патрульнай службы быў перакрыты рух».
Пасля ўезду ў Брэст, рухаючыся на вуліцы Маскоўскай, кіроўца «Фольсквагена‑Гольф» перастроіўся на неабходную паласу і прадоўжыў рух,
аднак на павароце не справіўся з кіраваннем транспартным сродкам і ўдарыўся ў прыдарожную агароджу. Хуткая медыцынская дапамога, якая прыбыла на месца аварыі, даставіла вадзіцеля ў абласную бальніцу, дзе каля дзвюх гадзін ночы, не прыходзячы ў свядомасць, ён памёр.
Як адзначыла Касьянік, у 2009 годзе гэты кіроўца быў пазбаўлены права кіравання транспартным сродкам за кіраванне аўтамабілем у стане алкагольнага ап’янення.
Цяпер чытаюць
Галыгіна прымусілі апраўдвацца за зварот да сілавікоў у 2020-м14
Галыгіна прымусілі апраўдвацца за зварот да сілавікоў у 2020-м
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары