Яшчэ адзін літоўскі банк спыніў аперацыі з плацежнымі карткамі на тэрыторыі Беларусі
У мэтах забеспячэння санкцыйных патрабаванняў Šiaulių bankas з 11 кастрычніка цалкам спыняе плацежныя аперацыі карткамі ў Беларусі. Гэта значыць, што ў месцах гандлю або аказання паслуг на тэрыторыі Беларусі заплаціць аплатнымі карткамі банка будзе немагчыма, паведамляе фінансавая ўстанова.
Дагэтуль, пачынаючы з верасня, разлікі былі абмежаваныя ў частцы гандлёвых пунктаў.
«Гэтыя абмежаванні не павінны істотна паўплываць на нашых кліентаў, паколькі разлікаў у Беларусі вельмі мала. Што ж, кліентам, якія накіроўваюцца ў Беларусь, мы рэкамендуем загадзя разгледзець іншыя спосабы аплаты», — сказала дырэктарка дэпартамента прафілактыкі фінансавых злачынстваў Сімона Урбанавічуце.
Раней пра аналагічны крок заявілі Luminor, SEB і Šwedbank.
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары