Візіт прэзідэнта ЗША Джо Байдэна ў Кіеў адбыўся 20 лютага. Планаваўся ён ва ўмовах сакрэтнасці. «Я быў першым амерыканскім прэзідэнтам, які ступіў у зону баявых дзеянняў, не кантраляваную Узброенымі сіламі Злучаных Штатаў, з часоў прэзідэнта Лінкальна», — згадвае Байдэн той візіт.
«Раней у гэтым годзе я падняўся на борт самалёта Air Force One для сакрэтнага пералёту ў Польшчу. Там я сеў у цягнік з зацемненымі вокнамі і адправіўся ў 10-гадзінную паездку ў Кіеў у кожны бок, каб падтрымаць народ Украіны напярэдадні гадавіны іх мужнай барацьбы з Пуціным.
Я быў першым амерыканскім прэзідэнтам, які ступіў у зону баявых дзеянняў, не кантраляваную Узброенымі сіламі Злучаных Штатаў, з часоў прэзідэнта Лінкальна.
Калі я выйшаў з гэтага цягніка і сустрэўся з прэзідэнтам Зяленскім, я не адчуваў сябе адзінокім. Я нёс з сабой ідэю Амерыкі, абяцанне Амерыкі людзям, якія сёння змагаюцца за тое ж самае, за што мы змагаліся 250 гадоў таму: за свабоду, незалежнасць і самавызначэнне.
Калі я ішоў па Кіеве з прэзідэнтам Зяленскім, удалечыні гучалі сірэны паветранай трывогі, я адчуў тое, у што заўсёды верыў мацней, чым калі-небудзь раней: Амерыка па-ранейшаму застаецца маяком для ўсяго свету», — напісаў Байдэн у інстаграме.
Як пісала раней выданне The New York Times, Байдэн перад тым візітам ва Украіну пакінуў Вашынгтон без папярэджання пасля таго, як у суботу ўвечары (18 лютага) разам з жонкай павячэраў у рэстаране за межамі Белага дома, што бывае рэдка.
Напярэдадні Белы дом публікаваў расклад на панядзелак, 19 лютага, згодна з якім прэзідэнт усё яшчэ знаходзіцца ў Вашынгтоне, а ўвечары ляціць у Варшаву, хоць на самай справе ён ужо быў на паўдарогі да Украіны.
Таксама паведамлялася, што Байдэн мог сустрэцца з Зяленскім у Львове, але ён сам настаяў на візіце ў Кіеў.
Тады ў Кіеве прэзідэнт ЗША заявіў пра чарговы пакет дапамогі на 500 мільёнаў даляраў.
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?3
Каментары