Свет22

«Людзі нават пра бунт вагнераўцаў забыліся. Забудуць і гэта». Што пра антысеміцкі пагром у Махачкале думаюць у Крамлі?

Выданне «Медуза» распытала ў сваіх дзвюх крыніц, блізкіх да Крамля, а таксама ў суразмоўцы, блізкага да кіраўніцтва партыі «Адзіная Расія», як у гэтых колах успрымаецца ўчарашні пагром, зладжаны ў аэрапорце Махачкалы. Паводле іх сведчанняў, рэакцыя там — «поўны аўрал», «шок» і «ахтунг».

Аэрапорт у Махачкале 29 кастрычніка 2023 года. Фота: AP

Са слоў адной з крыніц, блізкіх да Адміністрацыі прэзідэнта Расіі,

у самым пачатку антысеміцкіх выступленняў на Каўказе чыноўнікі і паліттэхнолагі перасылалі адно аднаму відэа, у якіх жыхары Дагестана «шукаюць яўрэяў» «дзеля прыколу». І толькі нядзельным вечарам, калі пачаліся беспарадкі ў аэрапорце, супрацоўнікам пуцінскай Адміністрацыі «стала ясна, што да прыколу гэта мала падобна».

Суразмоўцы «Медузы» кажуць, што, хутчэй за ўсё, афіцыйна ў арганізацыі пагромаў абвінавацяць украінскія спецслужбы. Разам з тым крыніца «Медузы», якая працавала ў паўнамоцным прадстаўніцтве Паўночна-Каўказскай федэральнай акругі, каментуючы падзеі ў Махачкале, выказала здагадку, што

такую маштабную акцыю з нагоды падзеі, не датычнай непасрэдна Дагестана, складана было б правесці без удзелу прадстаўнікоў мясцовага палітычнага істэблішменту. Крыніца мае на ўвазе людзей, незадаволеных кіраўніком рэспублікі Сяргеем Мелікавым.

Цяпер у Крамлі нібыта ўпэўненыя, што сілавікі «прамаргалі гісторыю ў Дагестане» і недастаткова «працавалі з насельніцтвам па тэме антысемітызму», кажуць крыніцы «Медузы». Але ФСБ і іншыя сілавыя структуры, у сваю чаргу, абвінавачваюць у тым, што здарылася, менавіта Крэмль:

«Міжнацыянальныя адносіны — іх тэма, тут важная прафілактыка, праца з аўтарытэтнымі ў асяроддзі лідарамі меркаванняў, недапушчэнне ўплыву непажаданых персанажаў. А калі гэтага няма — пажар».

Ніводная з крыніц «Медузы» не чакае сур'ёзных кадравых перастановак па выніках пагромаў на Паўночным Каўказе, бо падчас вайны не да ўнутраных разборак. Два суразмоўцы, блізкія да Крамля, упэўненыя, што Крамлю ўдасца «купіраваць негатыўны эфект» ад падзей у аэрапорце Махачкалы з дапамогай прапаганды.

Іншы суразмоўца прызнае, што падзеі на Паўночным Каўказе могуць стварыць некаторыя рытарычныя цяжкасці для палітычнага блока Крамля ў кантэксце прэзідэнцкай кампаніі 2024 года. Паводле яго ацэнкі, цяпер Пуціну будзе складаней казаць пра «нацыянальную згоду» і «мірнае суіснаванне народаў» Расіі. Аднак крыніцы сумняваюцца, што гэта стане сур'ёзнай праблемай: «[Людзі нават] пра бунт вагнераўцаў забыліся. Забудуць і гэта».

Каментары2

  • Цім
    30.10.2023
    ванькі ўсё схавают, схавают і прапаганду пра яўрэйскія пагромы.
  • Лол
    30.10.2023
    Крэмль можа колькі заўгодна спадзявацца што гэта забудзецца. Сэнс не ў гэтым, а ў тым, што нават такая дробна падрыхтаваная ФСБ акцыя мясцовай гапаты, маментальна выйшла з-пад кантролю і скончылася забойствам сілавіка. Гэта азначае, што Каўказ як раскалённая патэльня.

Цяпер чытаюць

Дык усё ж ці бяспечны Telegram і для якіх мэтаў бяспечны? Вось што ясна на сёння11

Дык усё ж ці бяспечны Telegram і для якіх мэтаў бяспечны? Вось што ясна на сёння

Усе навіны →
Усе навіны

Больш за 50 еўра за 180 км дарогі. Чаму растуць цэны на аўтобусныя квіткі з Менску ў Вільню11

Не ігнаруйце гэтыя змены скуры — яны могуць сведчыць пра пачатак дыябету6

Пасол Венгрыі па-майстэрску сыграла на аргане ў касцёле ў Магілёве3

Прэзідэнт Сербіі Вучыч упершыню з пачатку вайны наведаe Украіну1

Аўтобус з 22 пасажырамі, мікрааўтобус і легкавы аўтамабіль патрапілі ў ДТЗ на трасе М-1 у Баранавіцкім раёне. Ёсць загінулы1

Самы папулярны тыкток-блогер у свеце, які высмейвае бязглуздыя лайфхакі, выдвараны з ЗША як нелегал7

Нахабныя збіральнікі грошай на праезд у Мінску ўжо просяць перавод на картку2

У Магілёве ідзе спектакль 18+, які карыстаецца шалёнай папулярнасцю — гледачы прыязджаюць з іншых гарадоў10

Грузія пастрожыць правілы знаходжання замежнікаў, ажно да выдварэння1

больш чытаных навін
больш лайканых навін

Дык усё ж ці бяспечны Telegram і для якіх мэтаў бяспечны? Вось што ясна на сёння11

Дык усё ж ці бяспечны Telegram і для якіх мэтаў бяспечны? Вось што ясна на сёння

Галоўнае
Усе навіны →

Заўвага:

 

 

 

 

Закрыць Паведаміць