Культура

Карціну Пабла Пікаса прадалі за 139 мільёнаў даляраў

Абсалютны рэкорд належыць іншай карціне мастака, якую восем гадоў таму прадалі за 179 мільёнаў даляраў.

Фота: Cedric Ribeiro / Getty Images for Sotheby's

Карціна Пабла Пікаса «Жанчына з гадзіннікам» прададзеная на аўкцыёне Sotheby's за 139 млн даляраў. Гэта другая па кошце праца іспанца з усіх калі-небудзь прададзеных на таргах, піша Бі-бі-сі.

Больш каштавала толькі адна з карцін серыі «Алжырскія жанчыны», прададзеная ў 2015 годзе аўкцыённым домам Christie's за 179,3 мільёна даляраў.

Да пачатку аўкцыёну «Жанчына з гадзіннікам» ацэньвалася ў 120 млн даляраў. Імя пакупніка не называецца.

Больш за 50 гадоў карціна захоўвалася ў ЗША ў калекцыі вядомай знаўцы жывапісу, амерыканскай свецкай ільвіцы Эмілі Фішэр Ландаў.

Яна памерла ў сакавіку гэтага года на 103-м годзе жыцця. Уся яе калекцыя ацэньваецца ў сотні мільёнаў даляраў.

«Залатая муза» майстры

На карціне, створанай у 1932 годзе, намаляваная французская мадэль Мары-Тэрэза Уолтэр, якая ў той перыяд была палюбоўніцай мастака.

Ёй было 17 гадоў, калі яна пазнаёмілася з 45-гадовым Пікаса. Спачатку іх раман трымаўся ў таямніцы, таму што Пікаса ўсё яшчэ быў жанаты на ўкраінскай балярыне Вользе Хахловай.

Уолтэр называюць «залатой музай» мастака. З яе напісаны многія карціны Пікаса, у прыватнасці, «Аголеная, якая ляжыць», прададзеная ў 2022 годзе за 67,5 млн даляраў.

Пабла Пікаса нарадзіўся ў Малазе ў 1881 годзе, вырас у Барселоне, а ў 1904 перабраўся ў Парыж, дзе стаў адным з самых значных мастакоў ХХ стагоддзя.

За сваё жыццё Пікаса стварыў каля 150 тысяч работ, шмат эксперыментуючы са стылямі і тэматыкай, але аддаючы перавагу кубізму.

Ён памёр на поўдні Францыі ў 1973 годзе ва ўзросце 92 гадоў.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

На абедзе Лукашэнкі і Сі Цзіньпіна прысутнічала і адзіная дачка кітайскага лідара11

На абедзе Лукашэнкі і Сі Цзіньпіна прысутнічала і адзіная дачка кітайскага лідара

Усе навіны →
Усе навіны

«Петэн Нацыянальнага Адраджэння». Баркоўскі адказаў Пазняку ад імя «псеўдаапазіцыі»102

Былога міліцыянера, які вярнуўся з Кеніі і вёў блог пра Афрыку, асудзілі за «распальванне варожасці»1

Выпускніца, якая набрала 400 балаў па ЦТ у 2021-м, пераехала ў Расію і нахвальвае Маскву22

З'явілася новае ВІДЭА спецаперацыі СБУ «Павуцінне»: з камеры, замацаванай на самім дроне1

«Мы зноў сутыкаемся з маніпуляцыямі». Украінцы адказалі на расійскія абвінавачванні ў зацягванні абмену целамі і палоннымі

Беларуская блогерка крыкам і лаянкай рэкламуе брэнды — затое збірае мільёны праглядаў10

Расіяне вязуць у Беларусь тысячы целаў забітых вайскоўцаў для абмену3

На полі пад Барысавам заўважылі пад сотню буслоў ВІДЭА3

Астравецкі раён абышоў Мінск па заробках

больш чытаных навін
больш лайканых навін

На абедзе Лукашэнкі і Сі Цзіньпіна прысутнічала і адзіная дачка кітайскага лідара11

На абедзе Лукашэнкі і Сі Цзіньпіна прысутнічала і адзіная дачка кітайскага лідара

Галоўнае
Усе навіны →

Заўвага:

 

 

 

 

Закрыць Паведаміць