Байпол са спасылкай на ўдзельнікаў плана «Перамога» сцвярджае, што атрымаў звесткі аб супрацоўніцтве з сілавікамі протаіерэя Гродзенскай епархіі БПЦ Аляксандра Казакевіча.
Протаіерэй Аляксандр Казакевіч служыць ў праваслаўным прыходзе ў гродненскім спальным раёне «Дзевятоўка», а таксама з'яўляецца духоўным настаўнікам в/ч 5522.
Байпол сцвярджае, што бацюшка даносіў на святароў, якія выступілі з асуджэннем гвалту з боку сілавікоў. У прыватнасці, на архіепіскапа Гродзенскага і Ваўкавыскага Арцемія, які «настройвае свой клір супраць дзейнай улады і адкрыта асуджаў дзеянні праваахоўных органаў».
Таксама зазначаецца, што Казакевіч данёс на арганізатараў выканання песні «Магутны Божа» на прыступках галоўнага гарадскога храма — Свята-Пакроўскага кафедральнага сабора — на ўладыку Арцемія, а таксама на протаірэяў Андрэя Яварца і Георгія Роя.
Больш за тое, у сваіх даносах Казакевіч запэўніваў, што вышэйшыя саны Гродзенскай епархіі, абапіраючыся на падтрымку ніжэйшых святароў, выношваюць намер падтрымаць «каляровую» рэвалюцыю ў Беларусі.
Вядома, што ў выніку, жадаючы пазбегнуць скандалу, архіепіскапа Арцемія ў 2021 годзе адправілі на спачын. А протаіерэй Георгій Рой быў зняты з пасады настаяцеля кафедральнага сабора, а пазней — пасля адкрытага асуджэння поўнамаштабнай агрэсіі Расіі супраць Украіны — вымушаны быў з-за пагроз яго бяспецы пакінуць Радзіму.
А «айцец Аляксандр» (Аляксандр Казакевіч) працягвае служыць… Але не Богу, а злачыннаму рэжыму.
Цяпер чытаюць
Лукашэнка сустрэўся са спецпасланнікам Трампа Кітам Келагам9
Каментары