Паводле непацверджанай інфармацыі, учора былі затрыманыя выдавец Зміцер Колас і перакладчык Лявон Баршчэўскі. Сувязі з імі няма ўжо суткі. Падрабязнасці высвятляюцца, піша «Вясна».
Выдавецтва Змітра Коласа ў судовым парадку закрылі 10 мая. Пасля амаль 35 гадоў у выдавецкай сферы Зміцер Колас вымушаны згарнуць дзейнасць.
Перад гэтым выдавец адбыў 10 сутак арышту ў следчай турме КДБ, так званай «амерыканцы». Патрапіў ён туды па сутнасці выпадкова, таму што яго супрацоўнік, друкар Алег Сычоў, быў арыштаваны па справе дыверсіі супраць расійскага самалёта ў Мачулішчах.
Лявон Баршчэўскі — вядомы перакладчык і літаратар, які пераклаў на беларускую мову сотні літаратурных і навуковых твораў з дзясяткаў моў. Акрамя таго, ён займаўся і палітыкай — быў дэпутатам Вярхоўнага Савета XII склікання, а ў нулявыя гады ўзначальваў партыю БНФ.
***
Зміцер Колас і Лявон Баршчэўскі — на волі, з імі усё добра.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары