Чэмпіянат Беларусі па футболе 2010 года пройдзе па новай схеме з удзелам 12 камандаў.
Такое рашэнне прынята ў сераду на пасяджэнні выканкама асацыяцыі «Беларуская федэрацыя футбола».
Удзельнікі пасяджэння большасцю галасоў прынялі рашэнне, што ў пачатку 12 камандаў вышэйшай лігі правядуць класічны двухколавы турнір – матчы дома і ў гасцях. А затым ў трэцім коле згуляюць міжсабою яшчэ па аднаму разу.
Прычым каляндар трэцяга этапу нацыянальнага першынства будзе вызначаны шляхам лёсавання (каб вызначыць, дзе будзе праводзіцца той ці іншы матч – у гасцях ці дома).
Прадстаўнікі прызёраў мінулага чэмпіянату – барысаўскага БАТЭ, мінскага «Дынама» і магілёўскага «Дняпра» – выказваліся за правядзенне чэмпіянату ў іншым фармаце. Яны прапаноўвалі спачатку правесці двухколавы турнір, а затым ўдзельнікі павінны былі падзяліцца на дзве шасцёркі і правесці асобныя турніры. Аднак гэта думка не была падтрымана выканкамам.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары