Справа на падставе ч. 3 арт. 159 Крымінальнага кодэкса (пакіданне ў небяспецы) распачата пракуратурай Слаўгарадскага раёна ў дачыненні да 29‑гадовай жыхаркі райцэнтра.
22 студзеня ў кантэйнеры для смецця на гарадской звалцы Слаўгарада быў знойдзены труп нованароджанай дзяўчынкі ў поліэтыленавым пакеце. Для расследавання злачынства была створана следча‑аператыўная група з супрацоўнікаў УУС, РАУС і пракуратуры.
Устанавіць маці нованароджанай удалося на працягу сутак. Ёю аказалася мясцовая жыхарка, маці двух дзяцей, якая зараз знаходзіцца ў адпачынку па доглядзе за дзіцем.
Устаноўлена, што дзяўчынку яна нарадзіла вечарам 19 студзеня, адразу захінула ў поліэтыленавы пакет і праз двое сутак выкінула ў смеццявоз. Жанчына сцвярджала, што дзіця нарадзілася мёртвым, аднак эксперты ўстанавілі адваротнае.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары