Культура

У адкрыцці Міжнароднага фестывалю царкоўнай музыкі ў Беластоку возьме ўдзел беларускі хор

43-ці Міжнародны фестываль царкоўнай музыкі «Гайнаўка 2024» пачынаецца ў Беластоку 29 траўня ў канцэртнай залі Падляшскай оперы і філармоніі. Сёлетні фестываль прысвечаны памяці шматгадовага старшыні журы фестывалю прафесара Рамуальда Твардоўскага. У межах фестывалю ў Беластоку выступяць хары з Польшчы, Украіны, Літвы, Малдовы, Венгрыі і Арменіі. Беларусь прадставіць Concordia Choir з Варшавы, піша Reform.news.

Уручэнне ўзнагарод Concordia Choir на феставалі царкоўнай музыкі ў Беластоку ў 2022 годзе. Фота: festiwal-hajnowka.pl

Дырэктар фестывалю Мікалай Бушко расказаў радыё «Рацыя», што царкоўныя хары з Беларусі — прафесійныя і самадзейныя — раней часта бралі ўдзел у імпрэзе, аднак апошнім часам гэта становіцца вельмі складаным:

«Мы ўсе разумеем, і хары разумеюць, што не мелі б шанцаў на выезд з Беларусі. Таксама як няма афіцыйных заявак з Расіі з вядомых прычын. Мы шкадуем таму, што калі б было інакш, то мы б з прыемнасцю прадставілі нашай публіцы выдатныя, прафесійныя хары нашых лаўрэатаў з Беларусі ці Расіі».

43-ці фестываль распачнецца канцэртам, у якім прымае ўдзел Concordia Choir.

Reform.news пацікавіўся ў мастацкай кіраўніцы і дырыжоркі Concordia Choir Галіны Казіміроўскай пра асаблівасці сёлетняй імпрэзы.

«Concordia Choir прадстаўляе Беларусь ужо трэці раз на гэтым фестывалі. У 2022 годзе мы былі запрошаныя, каб узяць удзел у конкурснай праграме, і занялі першае месца. Таму ў наступным 2023 годзе мы як пераможцы арганізавалі сольны канцэрт «Магутны Божа», на якім выконвалі духоўныя творы беларускіх аўтараў.

Сёлета ўдзельнічаем трэці запар, але не ў конкурсе, а ў адкрыцці фестывалю, у канцэрце «Трохгалоссе за мір», ідэя якога — яднанне народаў супраць вайны.

З хароў трох краін — украінскага хору «Софія», польскага «Mus Arietes» i беларускага «Concordia» — зрабілі адзіны, зводны. Праграма складзена ў асноўным з твораў украінскіх кампазітараў…

Таксама мы ўсе разам заспяваем твор беларускага кампазітара Міколы Куліковіча, якога мы ведаем па музыцы да «Пагоні». Мы выканаем унікальны твор, адзін са знойдзеных у архіве лонданскай беларускай бібліятэкі, у арыгінале ён напісаны на царкоўнаславянскай мове, але мы праспяваем яго ў перакладзе Аляксандра Надсана. Твор названы «Дар міру», ён даволі вялікі, яго працягласць — восем хвілін».

Фестываль пройдзе з 29 траўня па 2 чэрвеня ў канцэртнай залі Падляшскай оперы і філармоніі па адрасе: Беласток, ul. Podleśna, 2.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

У 55 гадоў памёр стваральнік брэнду Serge Сяргей Атрошчанка6

У 55 гадоў памёр стваральнік брэнду Serge Сяргей Атрошчанка

Усе навіны →
Усе навіны

Ва Украіне прызначылі новага камандуючага Сухапутнымі войскамі1

З'явіўся ўказ, які дазваляе прыватызаваць арэнднае жыллё1

Іран і ЗША непублічна вялі прамыя перамовы пасля ўдараў Ізраіля

Палітвязня Наліўку падмануў палітвязень Абрамук — забраў падтрымку, якую той павінен быў атрымаць па вызваленні15

Магіла акадэміка Карскага ў Пецярбургу ўся зарасла баршчэўнікам ФОТАФАКТ15

Славацкі палітолаг, былы кіраўнік амерыканскага фонду PACT лабіруе збліжэнне з Лукашэнкам8

Як паехаць у экзатычнае падарожжа і не захварэць?

У гульнях за зборную Кітая дэбютавала 18-гадовая баскетбалістка з фенаменальным ростам8

Стала вядома, колькі атрымаюць беларускія артысты за выступленне на начным канцэрце ў Брэсцкай крэпасці4

больш чытаных навін
больш лайканых навін

У 55 гадоў памёр стваральнік брэнду Serge Сяргей Атрошчанка6

У 55 гадоў памёр стваральнік брэнду Serge Сяргей Атрошчанка

Галоўнае
Усе навіны →

Заўвага:

 

 

 

 

Закрыць Паведаміць