Сёння ў Мінску адзначаюць Дзень горада. Сталіцы споўнілася 957 гадоў. На 1 студзеня 2024 года тут пражывала 1 992,9 тыс.чалавек, або кожны пяты жыхар краіны, паведамляюць Мінск-Навіны са спасылкай на Галоўнае статыстычнае ўпраўленне горада.
Жанчын сярод жыхароў Мінска больш — 54,6%, а мужчын, адпаведна, — 45,4%.
Сярэдні ўзрост жыхароў горада — 40,6 года. У мужчын ён крыху менш — 37,9 года, а ў жанчын — 42,9 года.
Па даных перапісу насельніцтва 2019 года, на тэрыторыі Мінска пражывалі прадстаўнікі больш за 130 нацыянальнасцяў. У тым ліку 86,9% мінчукоў, або 1 753 122 чалавекі, аднеслі сябе да беларусаў. рускіх 7,3%, а ўкраінцаў — 1,7%. На палякаў прыпадае 1%, а на габрэяў — 0,3%. Жыхары іншых нацыянальнасцяў склалі 2,8%.
Больш за 35% мінчан ва ўзросце 15 гадоў і болей маюць вышэйшую або пасляўніверсітэцкую адукацыю, яшчэ 21,5% — сярэднюю спецыяльную, а больш за 16% — прафесійна-тэхнічную.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары