Грамадства2828

«Галоўнае — гэта вопыт!» Лукашэнка назваў, каго бачыць наступным прэзідэнтам

На сустрэчы са студэнтамі ў Беларускім дзяржаўным універсітэце інфарматыкі і радыёэлектронікі Аляксандр Лукашэнка паразважаў на тэму, хто прыйдзе пасля яго.

Аляксандр Лукашэнка пры адказе на пытанне пра наступнага прэзідэнта, 27 верасня 2024 года. Скрыншот з відэа

Аляксандр Лукашэнка ўзгадаў у гэтым кантэксце прэм'ер-міністра, кіраўнікоў палат Нацыянальнага сходу і рэктараў.

«У вас менш, а ў мяне — то яны ўсе на вачах, пачынаючы ад вашага рэктара і заканчваючы прэм'ер-міністрам, кіраўнікамі парламента нашага. Вось яны ўсе на вачах».

«І ўчора я падумаў пра гэта. Вось а хто?» — адзначыў Лукашэнка.

Наталля Качанава падчас адказу Аляксандра Лукашэнкі на пытанне пра наступнага прэзідэнта, 27 верасня 2024 года. Скрыншот з відэа

«Усе яны валодаюць унікальнымі якасцямі, унікальнымі. Нашмат вышэйшымі, чым у мяне. Асобнымі якасцямі, — дадаў ён. — Вось калі б у адным чалавеку гэтыя якасці злучыць, — сказаў Аляксандр Лукашэнка і пляснуў тыльным бокам пальцаў правай далоні па пальцах левай, — унікальны быў бы чалавек і ідэальны быў бы прэзідэнт. Але галоўнае, — дадаў ён, — гэта вопыт! Гэта вопыт!» — усклікнуў ён.

Камера паказала, як студэнт, які задаў гэтае пытанне, шырока ўсміхаецца.

Студэнт падчас адказу Аляксандра Лукашэнкі на пытанне пра наступнага прэзідэнта, 27 верасня 2024 года. Скрыншот з відэа

З адказу вынікае, што прэзідэнтам Аляксандр Лукашэнка па-ранейшаму бачыць толькі сябе: ні ў каго іншага няма комплексу найлепшых якасцей, не кажучы пра вопыт.

«Калі ў цябе ад прыроды няма асноўных элементаў, уласцівасцей і якасцей прэзідэнта, ты нават не суйся ў гэтую сферу», — папярэдзіў Аляксандр Лукашэнка. 

«Я сам стаў прэзідэнтам у 38 гадоў, таму магу ацэньваць, супастаўляць», — сказаў Лукашэнка. У рэальнасці ён стаў прэзідэнтам у 39 гадоў, за месяц да свайго 40-годдзя.

Падчас гэтага эпізоду ў Лукашэнкі выразна трэслася галава. Такі сімптом назіраецца ў яго падчас публічных мерапрыемстваў ужо з год, апошнім часам ягоная прэс-служба перастала гэта хаваць.

Асноўныя канкурэнты Лукашэнкі, якія апярэджвалі яго па рэйтынгах, усе зняволеныя або выгнаныя з краіны. Віктара Бабарыку, Сяргея Ціханоўскага, Мікалая Статкевіча, Марыю Калеснікаву трымаюць у поўнай ізаляцыі: ужо паўтара года пра іх нічога не вядома, невядома нават, ці яны жывыя.

Каментары28

  • Беларус
    27.09.2024
    НН, калі ласка, "досвед", а не вопыт
  • бабруйчанін
    27.09.2024
    Патрэбен кандыдат у прэзідэнты з вопытам працы..
  • Быўшая бабарыканка
    27.09.2024
    А Севярынца чаму не ўспомнілі, рэдакцыя? Не таму, што ён супраць інтэграцыі з рашкай выступаў?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4

«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі

Усе навіны →
Усе навіны

У Магілёве пасля прапагандысцкай кампаніі за будаўніцтва царквы ў ахоўнай зоне лесапарку выявілася, што будаваць яе нельга3

Стала вядома пра смерць 38-гадовага экс-палітвязня Алега Гнедчыка1

Святлана Алексіевіч павіншавала Ціханоўскую з вызваленнем мужа1

Так жылі багатыя мінчукі 90-х. Прадаюць кватэру ў доме для партыйнай эліты5

Пазняк пра вызваленне палітвязняў: Яны крычалі: «душыць санкцыямі». Тое, што мы бачым — падрыхтавалі іншыя107

«Казырамі не раскідваюцца. Бацька перайграў і знішчыў». Як прапаганда патлумачыла вызваленне Ціханоўскага19

Франак Вячорка пра Ціханоўскага і іншых вызваленых: Спісы мяняліся ў самы апошні момант19

З чым Келаг параўнаў Палац незалежнасці Лукашэнкі?9

«Пабачыў шмат крыві». Сябар 43-гадовага Змітра Каспяровіча расказаў, як знайшоў яго цела3

больш чытаных навін
больш лайканых навін

«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4

«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі

Галоўнае
Усе навіны →

Заўвага:

 

 

 

 

Закрыць Паведаміць