Грамадства22

Ксяндзу Анджэю Юхневічу пагражаюць фэйкавымі абвінавачаннямі ў педафіліі

На ксяндза Анджэя Юхневіча, які знаходзіцца ў зняволенні з 8 траўня 2024 года, працягваюць рабіць моцны ціск, даведалася «Хрысціянская візія».

Анджэй Юхневіч

Раней святару ўжо даводзілася зведаць катаванні і пагрозы, яго трымалі ў адмыслова невыносных бытавых умовах: першы раз наведаць душ дазволілі толькі пасля двух месяцаў знаходжання за кратамі.

Цяпер жа святару пагражаюць, што яму могуць выставіць фэйкавыя абвінавачанні, звязаныя са «злачынствамі супраць сэксуальнай недатыкальнасці непаўнагадовых» — прасцей кажучы, педафіліяй.

«Хрысціянская візія» адзначае, што з падобнага кшталту пагрозамі сутыкаліся і іншыя служыцелі Каталіцкага касцёла ў Беларусі, аднак у выніку ніхто нічога не даказаў. Аднак жа сам факт выстаўлення такіх абвінавачанняў можа прывесці да разбурэння рэпутацыі чалавека.

Ксёндз Анджэй Юхневіч — святар ордэна Місіянераў Аблатаў Беззаганнай Марыі, пробашч дыяцэзіяльнага санктуарыя Маці Божай Фацімскай у Шуміліна, кіраўнік каардынацыйнай групы пробашчаў і прадстаўнікоў манаскіх супольнасцяў Беларусі. Ягоная рэпутацыя ў Каталіцкім касцёле ў Беларусі бездакорная.

Ён займае прынцыповую пазіцыю і за кратамі, абскарджваючы пастановы адносна свайго арышту. Гэта, відаць, і стала прычынай таго, што пераслед у дачыненні да яго з адміністратыўнага перайшоў у крымінальны.

Анджэя Юхневіча затрымалі 8 мая і спачатку прыцягнулі да адміністрацыйнай адказнасці за размяшчэнне ў фэйсбуку выявы бела-чырвонага-белага і ўкраінскага сцягоў. Яго арыштавалі на 15 сутак, і з таго часу на волю ён так і не выйшаў. Яму некалькі разоў давалі па 15 сутак.

У пачатку ліпеня стала вядома, што яго пераводзяць з ІЧУ, дзе ён адбываў арышты агульнай працягласцю амаль два месяцы, у СІЗА. Супраць святара распачата крымінальная справа. Дагэтуль застаецца невядомым, што менавіта яму інкрымінуецца.

Разам з Анджэем Юхневічам быў спачатку затрыманы і іншы шумілінскі святар, Павел Лемех, але яго пасля адбыцця сутак паводле адміністрацыйнага артыкула неўзабаве выпусцілі.

Каментары2

  • БПЦ
    05.10.2024
    кон….ныя лукашысты
  • Добряк
    06.10.2024
    Старый советский метод. Ничего нового. В советские времена часто священников, что бы их унизить и испортить репутацию, садили в тюрьму по "стыдной" статье за мужеложество. Например известного батюшку, который молился над застывшей с иконой святого Николая Чудотворца, девушкой. Иных авторитетных священников и монахов в те времена. Думаю что думающие люди понимают для чего это творится и ещё больше будут ценить и беречь своих пастырей.

Цяпер чытаюць

У падмаскоўнай Балашысе ўзарвалі генерала Маскаліка

У падмаскоўнай Балашысе ўзарвалі генерала Маскаліка

Усе навіны →
Усе навіны

«Норм ці стром працаваць у калгасе?» Беларускія аграрыі адказалі на няпростыя пытанні пра сваё жыццё

Зяленскі: Украіна гатова да перамоў з тэрарыстамі пасля поўнага спынення агню. Гэта вялікі кампраміс4

Беларусь заняла другое месца па злачыннасці сярод еўрапейскіх краін. Як жа складалі такі рэйтынг?5

Стукач з «Грамады», які летась спрабаваў пралезці ў Каардынацыйную раду, паехаў у Польшчу і прапаў5

Еўрасаюз папярэдзіў ЗША, што не прызнае Крым расійскім4

Айцішнікі больш не лідзіруюць па сярэднім заробку ў Беларусі

У Маладзечне дзяўчына прымала сонечныя ванны на самым краі даху. Пайшлі будзіць ратавальнікі5

Міліцыя прапануе, каб амністыя закранула амаль усіх асуджаных за наркотыкі7

Двое сутак на аўто, 7—12 гадзін на аўтобусе. Што адбываецца з выездам з Беларусі ў Польшчу?3

больш чытаных навін
больш лайканых навін

У падмаскоўнай Балашысе ўзарвалі генерала Маскаліка

У падмаскоўнай Балашысе ўзарвалі генерала Маскаліка

Галоўнае
Усе навіны →

Заўвага:

 

 

 

 

Закрыць Паведаміць