Лукашэнка прызнаў, што для прымянення ядзернай зброі прыйдзецца праводзіць перамовы з Пуціным
Палітык расказаў, як будзе дзейнічаць, калі захоча прымяніць расійскую ядзерную зброю, якая знаходзіцца на тэрыторыі Беларусі.
Аляксандр Лукашэнка будзе праводзіць перамовы з Уладзімірам Пуціным, калі яму спатрэбіцца выкарыстаць ядзерную зброю. Пра гэта Лукашэнка расказаў расійскім СМІ.
«Слухайце, нават калі б мы, як Паўночная Карэя, мелі зброю, вырабленую і створаную ў сябе, ніколі ў жыцці ніводная краіна не выкарыстала б яе самастойна без кансультацыі са сваімі саюзнікамі. А тым больш нам без кансультацыі з Расійскай Федэрацыяй.
Калі, не дай бог (як Пуцін казаў, вы задалі пытанне — я адказваю), таму што бразгаць гэтай зброяй — гэта сур'ёзная справа… Але калі б раптам, то, натуральна, мы б не проста пракансультаваліся, мы б вельмі сур'ёзна правялі перамовы з прэзідэнтам Расіі па выкарыстанні гэтай зброі», — заявіў Лукашэнка.
Пры гэтым ён адзначыў, што са змяненнем расійскай ядзернай дактрыны, якая цяпер прадугледжвае прымяненне ядзернай зброі для абароны Беларусі, рызык для яе не дадалося.
У сакавіку Лукашэнка заяўляў, што Беларусь нібыта будзе кіраваць усёй ядзернай зброяй, якая знаходзіцца на яе тэрыторыі.
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1414
Каментары