Усяго патроху1414

15-гадовы кандытар з Мінска робіць тарты на замову: прыгожа, але шалёна дорага

Юны кандытар Стась Малінін паказаў у тыктоку, якія прыгожыя тарты ўмее гатаваць. Адразу нават складана сказаць, што больш уражвае: стыль кандытарскіх вырабаў, узрост кухара ці цэны.

Стась Малінін. Тут і далей фота з яго сацсетак

Калі меркаваць па інстаграме хлопца, займацца салодкім хлопец пачаў у 13 гадоў. Цяпер ён можа зрабіць амаль усё: ад трайфлаў і маленькіх бента-тортаў да вясельных тортаў на некалькі ярусаў са складаным дэкорам.

У тыктоку Стась у адным са сваіх ролікаў паказаў некаторыя прыклады сваіх прац з цэнамі. Не надта вялікі торт на тэму «хадзячых мерцвякоў» каштуе 180 рублёў, торт на пяцігоддзе з мінімалістычным дэкорам дурніцамі — 370 рублёў, двух'ярусны торт з анёлам — 610 рублёў.

За тры дні ролік набраў каля 700 тысяч праглядаў і больш за 43 тысячы лайкаў. А меркаванні каментатараў прадказальна падзяліліся. Нехта лічыў, што ў «Еўраопце» можна за 30 рублёў набыць выдатны торт, а нехта пагаджаўся з тым, што прыгожы дэсерт з якасных інгрэдыентаў і не можа каштаваць танна.

У іншым відэа Стась расказаў пра сваю няўдачу. У хлопца замовілі велізарны торт на вяселле (11 кілаграмаў і тры ярусы) са смакам трапічнага шакаладу. Да гэтага моманту кандытар не аднойчы рабіў вясельныя тарты, але не настолькі вялікія. Стась спадзяваўся, што ўсё будзе добра, бо саму тэхналогію ён ведае: усталяваў спецыяльныя апоры, выраўнаваў ярусы. Выйшла ўсё даволі прыгожа.

— І цяпер самае цікавае. Я прыязджаю на месца і высвятляецца, што пераблытаў дату — вяселле не 12, а 14. Але дзякуй богу, што пераблытаў. Бо па прыездзе да дому торт разваліўся. Я ўлічыў усе памылкі і за суткі зрабіў такі ж торцік — і ўсе засталіся задаволеныя.

Увогуле цэннік у 15-гадовага кандытара такі: бента-торт — 45 рублёў, торт без дэкору — ад 50 рублёў за кілаграм (хлопец бярэ замовы ад 1,5 кілаграма). У сваім маленькім тэлеграм-канале Стась распавядае, што прыйшлося прачнуцца а шостай раніцы, каб аддаць торцік. Часам скардзіцца, што ён закрыў бальнічны і заўтра трэба ісці ў школу.

Каментары14

  • Улад
    11.10.2024
    Бізнес, разлічаны на "панты" абывацеляў - самы надзейны бізнес :)
  • Хрыч
    11.10.2024
    Ну ясное дело что он всего добился сам,без помощи мамки и папки.Ога
  • ЗЛЖ
    11.10.2024
    Аматар, Побач з хлопчыкам на фота павінна стаяць таксама і таленавітая мама.

Цяпер чытаюць

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі33

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі

Усе навіны →
Усе навіны

Квіткі на ўсе навагоднія прадстаўленні ў Белдзяржцырку размялі за пару дзён. А попыт застаўся не задаволены

У Гомелі асудзілі мясцовага евангельскага прапаведніка. Верагодна, па справе Гаюна1

Лукашэнка прыляцеў у Аман5

Выкрадзенаму каліноўцу Васілю Верамейчыку прысудзілі 13 гадоў зняволення8

Правілы рэгістрацыі аўтамабіляў істотна спрасцілі

На базе найноўшых ядзерных ракет у Расіі прагрымеў моцны выбух6

У Польшчы затрымалі за шпіянаж трох беларусаў і двух украінцаў6

Прапаганда кажа, што перахапіла чат-бот «Кіберпартызанаў» — даведаліся, што было насамрэч7

Выходзіць фінал культавага серыяла «Вельмі дзіўныя справы». Гледачы абрынулі Netflix6

больш чытаных навін
больш лайканых навін

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі33

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі

Галоўнае
Усе навіны →

Заўвага:

 

 

 

 

Закрыць Паведаміць